Búgin Almaty Máslıhatynyń kezekti HHHIV sesıasy ótip, qala ómirine qatysty birqatar mańyzdy sheshimder qabyldandy.
Aldymen depýtattar Almatydaǵy 156 jańa kóshege ataý berý týraly usynysty qoldady. Bul sheshim turǵyndardyń turmysyn jeńildetip qana qoımaı, halqymyzdyń birtýar tulǵalarynyń esimin ulyqtaýǵa jol ashty. Qala kartasynda máńgilikke saqtalatyn ataýlardyń qatarynda jazýshy Ábdijámil Nurpeıisov, aqyn Muzafar Álimbaev, ǵalym Qaıym Muhamedhanov, tilshi-ǵalym Ábdýáli Qaıdar, túrkolog Rábıǵa Syzdyqova, sýretshi-mýltıplıkator Ámen Qaıdarov, sportshy Denıs Ten syndy esimder bar.
Sonymen qatar, Qazaqstan men Vetnam arasyndaǵy dostyqty dáripteý maqsatynda bir kóshege vetnam halqynyń ult-azattyq qozǵalysynyń kósemi Ho Shı Mınniń esimi berilmek. Bul – halyqaralyq yntymaqtastyqtyń belgisi retinde baǵalandy.
Sesıada budan bólek, qala turǵyndarynyń dárilik qamtamasyz etilýin keńeıtý máselesi maquldandy. Endi qosymsha 10 túrli nozologıa boıynsha 23 pasıent jergilikti búdjet esebinen tegin dári-dármekpen qamtylatyn bolady.
Al qysqy kezeńde jol qozǵalysynyń qaýipsizdigin saqtaý úshin sesıa sheshimimen kúsheıtilgen rejımde joldardy kútip-ustaý tártibine tolyqtyrýlar engizildi. Qar qalyń túsken jaǵdaıda qala kóshelerinde tehnıka men jumysshylardyń sany jedel arttyrylady.