Eńbek jáne tyl ardageri Nadejda Nepomılýeva jáne QR eńbek sińirgen qaıratkeri Asyly Osman búkil el boıynsha úzdik beınerolıkter baıqaýynda jeńiske jetti dep habarlaıdy almaty-akshamy.kz
Aǵa býyn ókilderin «Nur Otan» partıasy Almaty qalalyq fılıaly tóraǵasynyń birinshi orynbasary Meıirjan Otynshıev, QR Parlamenti Májilisiniń depýtaty Elnur Beısenbaev jáne partıanyń qalalyq fılıaly tóraǵasynyń orynbasary Qaırat Bısembaev quttyqtady.
Rolıkte olardyń tarıhy men eńbek joly, sondaı-aq Táýelsizdik jyldaryndaǵy elimizdiń jetistikterine degen ózindik kózqarasy baıandalady. Olar Elbasynyń memlekettiń qalyptasýyna ólsheýsiz úles qosqanyn atap ótip, jastarǵa óz tilekterin bildirdi. Atalǵan beınerolıkter áleýmettik jeli qoldanýshylarynda keńinen tanyldy.
Mysaly, Nepomılýeva Nadejda Pavlovna - Eńbek jáne tyl ardageri, eńbek jolyn UOS jyldary poshtashy bolyp bastaǵan. Zeınetker qazirgi ýaqytta qalanyń qoǵamdyq jumysyna belsendi qatysady, kóp jyldar boıy Áýezov aýdandyq Ardagerler keńesiniń janyndaǵy patrıottyq jáne adamgershilik tárbıe jónindegi komısıanyń tóraıymy bolyp jumys istedi. Nadejda Pavlovna - QazKSR eńbek sińirgen muǵalimi, kóptegen óleńderdiń avtory. Búgingi tańda ardagerdiń 5 óleńder jınaǵy jaryq kórdi.
«Qazynaly qarttarymyzǵa degen qamqorlyq kúndelikti kórinis tabýy kerek. Biz olarǵa qamqorlyq pen kóńil bólýdiń mańyzdylyǵyn túsinemiz. Aǵa býyn ókilderán qoldaý partıa músheleriniń basty maqsaty bolyp qala beredi»,-dep atap ótti partıanyń Almaty qalalyq fılıaly tóraǵasynyń birinshi orynbasary Meıirjan Otynshıev.
Sonymen qatar, «Nur Otan» partıasy aksıanyń barlyq jeńimpazdaryna aqshalaı syılyq aýdarady. El boıynsha barlyǵy 30 jeńimpaz anyqtaldy, olardyń tórteýi almatylyqtar qatarynan.
Esterińizge salsaq, qazan aıynyń basynda QR Táýelsizdiginiń 30 jyldyǵyna arnalǵan jáne «Ardagerlerdi ardaqtaıyq» partıalyq jobasy aıasynda «Ardagerlerdi ardaqtaıyq» respýblıkalyq aksıasy bastaý alǵan. Aıta ketý kerek, megapolıstiń nurotandyq depýtattary men «Jas Otan» jastar qanatynyń músheleri Almatyda 100-den astam aǵa býyn ókilderin quttyqtady.