Qaraǵandylyq ardager sportshylar halyqaralyq bírínshílíkterde altyn medaldar jeńíp aldy
Dene shynyqtyru jáne sport basqarmasynyń baspasóz máslıhatynda jeńímpazdarǵa qūrmet kórsetíldí, dep habarlaıdy Almaty-akshamy.kz QazAqparatqa sílteme jasap.
Atap aıtsaq, Lıssabonda (Portugalıya) ótken dzyudodan álem chempıonatynda «Jas sūńqar» sport mektebíníń jáne oblystyq keshendí mekteptíń jattyqtyrushylary Násípqūl Tynybaev pen Dáuren Qojın «altyn» aldy.
Al Vılnyuste (Lıtva) zíltemírdí shalqalaı jatyp kóteruden álem chempıonatynyń ekí márte jeńímpazy 73 jastaǵy Dáríbaı Ospanov atandy.
Sondaı-aq osy jarysta bírínshí oryndy oblystyq keshendí mekteptíń tárbıelenushísí Anton Marchenko ıelendí. Jas baluannyń tálímgerí Ábdulkárím Qaraman ony jaqsy daıyndap qana qoımaı, ózí de sáttí óner kórsettí – onyń qorjynynda ekí kúmís bar.
Sonymen qatar Qaraǵandy oblysynyń 4 sportshysy gír sportynan álem chempıonatynda jeńímpaz bolyp otyr. Olar – gír sportynan Qaraǵandy oblysynyń aǵa jattyqtyrushysy Aleksandr Komarov, sondaı-aq Igor Erzyamkın, Roman Gerasımenko jáne Yurıı Brel.