Nurlan Telmanuly Uranhaev Abaı oblysynyń ákimi laýazymyna taǵaıyndaldy. Tıisti Jarlyqqa QR Prezıdenti Qasym-Jomart Toqaev qol qoıdy, dep habarlaıdy Almaty-akshamy.kz Inform.kz-ke silteme jasap.
«Nurlan Telmanuly Uranhaev Abaı oblysynyń ákimi laýazymyna taǵaıyndalsyn» delingen Memleket basshysynyń Jarlyǵynda.
Nurlan Ýranhaev 1965 jyly 4 mamyrda Semeı qalasynda dúnıege kelgen. 1987 jyly V.I. Lenın atyndaǵy Qazaq polıtehnıkalyq ınstıtýtyn ınjener-mehanık, 2001 jyly Qazaq qarjy-ekonomıkalyq ınstıtýtyn ekonomıs-menedjer, 2006 jyly Shyǵys Qazaqstan memlekettik tehnıkalyq ýnıversıtetin ınjener-qurylysshy mamandyǵy boıynsha támamdaǵan.
Eńbek jolyn 1987 jyly slesar-montajshy bolyp bastady. Budan keıingi jyldarda ol Semeı qalasynyń «Kazpromtehmontaj» tresinde master, prorab bolyp istedi. Ár jyldary Semeı qalasyndaǵy «Sary-Arqa» AÓK basshysy, «Kazırkýtskles» AOZT bas dırektory, Shyǵys Qazaqstan oblysy energetıka, turǵyn úı-kommýnaldyq sharýashylyq, qurylys jáne kólik barqarmasynyń basshysy, Shyǵys Qazaqstan oblysy kúrdeli qurylys basqarmasynyń bastyǵy, Shyǵys Qazaqstan oblysy ákiminiń orynbasary, Astana qalasynyń TJM memlekettik materıaldyq rezervi komıtetiniń tóraǵasy, Qazaqstan Respýblıkasy Prezıdenti Ákimshiliginde memlekettik ınspektor, «Ertis» ÁKK basqarma basshysynyń orynbasary, Qyzylorda oblysy ákiminiń orynbasary, Semeı qalasy gýmanıtarlyq zań ýnıversıteti prezıdentiniń keńesshisi, Qazaqstan Respýblıkasy tutynýshylardyń quqyqtaryn qorǵaý agenttigi tóraǵasynyń orynbasary, Ulttyq ekonomıka mınıstrliginiń «QazQSǴZJI» AQ bas dırektory, Almaty qalasy sáýlet jáne qala qurylysy basqarmasynyń basshysy qyzmetterin atqarǵan.
Al, búginge deıin Nur-Sultan qalasynyń sáýlet, qala qurylysy jáne jer qatynastary basqarmasynyń basshysy boldy.