Atom elektr stansıasy Almaty oblysy Jambyl aýdany Úlken aýyly mańynda salynady. Bul týraly energetıka mınıstri Bolat Aqsholaqov aıtty, dep habarlaıdy Almaty-akshamy.kz Inform.kz-ke silteme jasap.
«Qazaqstan boıynsha seısmıkalyq aımaqtardy anyqtaý úshin jyldar boıy uzaq zertteý júrgizdik. Nátıjesinde atom stansıasynyń ornalasatyn jerin anyqtadyq. Ol – Almaty oblysyndaǵy Úlken aýylynyń aımaǵy», - dedi mınıstr.
Bolat Aqsholaqovtyń sózinshe, Balqash kóliniń aýdany geologıa, sý resýrstary jáne klımattyq jaǵdaılardy eskere otyryp tańdalǵan.
«Qazir zertteý jumystary bastalyp ketti. Bul qurylys erteń bastalady degen sóz emes. Jyl sońyna deıin AES qurylysyna qatysty birqatar zertteýler júrgizý qajet. Olar geologıamen, sýmen, ekologıamen baılanysty. Qazir túrli tehnologıa qarastyrylyp jatyr. Onyń ishinde fransıalyq, reseılik, japondyq, qytaılyq, ońtústikkoreıalyq reaktorlar bar», - dep naqtylady mınıstr.
Ol ázirge joba quny belgisiz ekenin atap ótti. Aıtýynsha, ádette atom elektr stansıasynyń qurylysy on jylǵa sozylady.