2022 jyldyń 18 qarashasynda QR Prezıdenttigine Jalpyulttyq sosıal-demokratıalyq partıasy atynan kandıdat Nurlan Áýesbaev Respýblıkalyq saılaýaldy shtab keńsesinde buqaralyq aqparat quraldarynyń qatysýymen kezdesý ótkizdi, dep habarlaıdy Almaty-akshamy.kz.
Kezdesý barysynda saılaýaldy kampanıanyń qorytyndylary shyǵaryldy.
Kampanıa sheńberinde Qazaqstannyń barlyq oblystarynda aımaqtyq saılaýaldy shtabtary ashylǵany málimdeldi.
Kandıdattyń saılaýshylarmen jeke, sonymen birge eńbek jáne ózge ujymdaryndaǵy kezdesýleri sekildi úgit-nasıhat sharalary ótkizildi.
Odan bólek elordada Nurlan Áýesbaevtyń qatysýymen tyǵyz qurylysqa qarsy mıtıń ótkizildi.
BAQ-ta úgit-nasıhat jumystary júrgizildi. Respýblıkalyq jáne aımaqtyq telearnalarda úgit-nasıhat rolıkteri kórsetildi. 3 tanymal radıostansıada úgit-nasıhat aýdıorolıkter oınatyldy.
Jumys barysynda memleket boıynsha taratylǵan bılbord, plakat, únparaq sekildi kórneki úgit-nasıhat ádisteri belsendi paıdalanyldy.
Respýblıkalyq jáne aımaqtyq baspasózde saılaýaldy baǵdarlama, kandıdattyń jáne onyń senimdi ókilderiniń suhbattary, Áýesbaev jóninde maqalalar jarıalandy.
QR Prezıdenttigine Jalpyulttyq sosıal-demokratıalyq partıasy atynan kandıdat Nurlan Áýesbaev óz kezeginde senimdi ókilderine, shtab múshelerine, partıa belsendileri men volonterlarǵa atqarǵan jumystary úshin alǵysyn bildirdi.
Nurlan Áýesbaev úgit-nasıhat kampanıasy óte joǵary deńgeıde ótkizildi dep sanaıdy.