Astana qalasynyń qylmystyq ister jónindegi mamandandyrylǵan aýdanaralyq soty asa iri mólsherde para alý faktisi boıynsha eks-vıse-mınıstr A.-ǵa qatysty úkim shyǵardy (QK 366-babynyń 4-bóligi).
Sot eks-vıse-mınıstr 2018 jyldyń aqpanynan 2020 jyldyń shildesine deıin "Atameken" UKP múddeleri úshin tıimdi resmı sheshim qabyldaýǵa yqpaldasyp, deldal arqyly M.-dan jalpy somasy 115 myń AQSH dollary jáne 8 mln.150 myń teńge aqshany para retinde aldy.
Sottalýshynyń kinási kýágerlerdiń aıǵaqtarymen, uıaly telefondaǵy hat-habarlarmen, jasyryn tergeý áreketteriniń jazbalarymen, saraptama aktilerimen, zattaı dáleldemelermen jáne t.b. dáleldendi.
Sotta prokýror aıyptaýdy qoldap, 12 jyl merzimge bas bostandyǵynan aıyrý jazasyn taǵaıyndaýdy surady.
Sottalýshy aqtaýdy ótindi.
Sot qylmystyq jaýaptylyq pen jazany jeńildetetin mán-jaı retinde jas balalarynyń bolýyn tanydy.
Qabyldaǵan antyn buzýy aýyrlatatyn mán-jaı retinde tanyldy.
"Sot úkimimen eks-vıse-mınıstr A. QK-niń 366-babynyń 4-bóliginde kózdelgen qylmystyq quqyq buzýshylyq jasaǵany úshin kináli dep tanylyp, ómir boıy memlekettik qyzmette qyzmet atqarý quqyǵynan aıyryla otyryp, 10 jyl merzimge bas bostandyǵynan aıyryldy", dep jazdy Astana qalasynyń qylmystyq ister jónindegi mamandandyrylǵan aýdanaralyq sotynyń habarlamasynda.