QR Prezıdenti Ákimshiliginiń kelisimimen Nurdildá Serikuly Oraz Batys Qazaqstan oblysy ákimi apparatynyń basshysy bolyp taǵaıyndaldy, dep habarlaıdy Almaty-akshamy.kz
BQO ákiminiń baspasóz qyzmetinen málim etkenindeı, Nurdildá Serikuly 1981 jyly dúnıege kelgen. Bilimi joǵary. Ál-Farabı atyndaǵy Qazaq ulttyq ýnıversıtetin jýrnalısıka jáne QR İİM B.Beısenov atyndaǵy Qaraǵandy akademıasyn quqyq qorǵaý qyzmeti mamandyǵy boıynsha bitirgen. Eńbek jolyn 2003 jyly «31 arna» JSHS «Informbúro» jańalyqtar qyzmetiniń korespondent-júrgizýshisi bolyp bastaǵan. Ár jyldary birqatar respýblıkalyq telearnalarda qyzmet atqarǵan. 2009 jyly ishki ister organdaryna aýysyp, Astana qalasy ishki ister departamentiniń til saıasaty jáne aqparat bóliminiń basshysy, QR İshki ister mınıstrligi Memlekettik til jáne aqparat departamentiniń dırektory – mınıstrdiń baspasóz hatshysy, keıinnen resmı ókili boldy. 2016 jyly QR Bas prokýratýrasy apparat basshysynyń orynbasary, 2019-2022 jyldary QR İshki ister mınıstriniń keńesshisi qyzmetin atqardy. Qazirgi taǵaıyndaýǵa deıin Batys Qazaqstan oblysy qoǵamdyq damý basqarmasynyń basshysy boldy.