Búgin fýtboldan UEFA Chempıondar lıgasy birinshi irikteý satysynda elordalyq «Astana» syrt alańda «Dınamo Tbılısı» (Grýzıa) komandasymen qarymta oıyn ótkizedi, dep habarlaıdy Almaty-akshamy.kz
Kezdesý 19 shildede elorda ýaqytymen 22:00-de bastalyp, «Qazsport» telearnasynan tikeleı efırde kórsetiledi.
Elordada ótken alǵashqy kezdesýde komandalar 1:1 esebine qanaǵat bildirdi.
«Dınamo Tbılısı» (Grýzıa) 1925 jyly qurylǵan. KSRO birinshiliginde 1964, 1978 jyldary chempıon atandy. Al 1990 jyldan beri óz elinde 18 márte jeńis tuǵyryna kóterildi.
Sondaı-aq, 1981 jyly UEFA kýbok ıegerleri kýbogynda bas júlde aldy.
Jeńimpaz ujym ekinshi irikteý satysynda «Dınamo Zagreb» komandasymen sheberlik baıqasady. Oıyn 25 shilde jáne 1 tamyz kúnderi bolady.