Elordada lańkestikti boldyrmaý jaıynda keleli jıyn ótti
Lańkestikke qarsy is-qımyldy qalaı jetildirý kerek? Bul týraly búgin elordada «Kazakhstan Security Systems» halyqaralyq konferensıasynda talqylandy, dep habarlaıdy almaty-akshamy.kz 24.kz-ke silteme jasap
Jıynnyń ótýine Qazaqstannyń terorızmge qarsy ortalyǵy uıytqy boldy. Sharaǵa qatysýshylar ekstremızmnen tónetin qaýip-qaterge qalaı tótep berýge bolady degen saýalǵa jaýap izdedi.
Sonymen qatar arnaıy uıymdastyrylǵan kórmede qaýipsizdik salasyndaǵy joǵary tehnologıalardyń otandyq jáne sheteldik ónimderi tanystyryldy.
Onyń ishinde qorǵanysh quraldary, beınebaqylaý kameralary, dabyl qaǵý júıesi, bıometrıalyq sáıkestendirý derekterin qashyqtan anyqtaı alatyn qurylǵylar bar.