Jármeńkege kelýshiler qazaqstandyq sheberler, qolónershiler men sýretshilerdiń qolynan shyqqan buıymdardy tamashalap, satyp ala alady.
Demalys kúnderi (30 qazan men 31 qazan aralyǵynda) Almatyda Jibek joly dańǵyly boıynda Jeltoqsan men Naýryzbaı batyr kósheleriniń arasynda (Áýe vokzalynyń mańy) qolóner jármeńkesi ótedi, dep habarlaıdy almaty-akshamy.kz Almaty.tv arnasyna silteme jasap.
Jármeńkede qazaqstandyq qolónershiler men sýretshiler biregeı týyndylary men taýarlaryn usynady.
Almatylyqtar men qala qonaqtary jyly ári eksklúzıvti zattardy satyp ala alady. Aýmaqta balalar men eresekterge arnalǵan kıiz úı ornatylady.
«Kıiz úıdiń ishine kirip, qabyrǵalaryn ustap kóre alasyz, áshekeıleýdiń egjeı-tegjeılerin zertteı alasyz, shańyraq arqyly aspanǵa qaraı alasyz, este saqtaý úshin sýretke túse alasyz. Ózińiz kelińiz, dostaryńyz ben tanystaryńyzdy shaqyryńyz, jaqyndaryńyz ben qalamyzdyń qonaqtaryna da jármeńke týraly aıtyńyz. Jármeńkeni Almatynyń qolóner palatasy ótkizedi», - deıdi uıymdastyrýshylar.
