Depýtat jumys qarqynyna nazar aýdaryp, qurylysshylardy nysandy merziminde tapsyrýǵa shaqyrdy, óıtkeni balalar jańa mektepti asyǵa kútýde.
Nur Otan partıasynyń Almaty qalalyq fılıalynyń tóraǵasy, Almaty ákimi Baqytjan Saǵyntaevtyń tapsyrmasy boıynsha fraksıa depýtattary partıanyń Jol kartasyn iske asyrý maqsatynda áleýmettik nysandar qurylysynyń barysymen tanysty, dep habarlady Almaty-akhamy.kz.
Belgili bolǵandaı, medısınalyq jáne bilim berý qyzmetteriniń qol jetimdigi men qolaıly jaǵdaılaryn jasaý maqsatynda Almatyda densaýlyq saqtaý jáne bilim berý nysandarynyń qurylysy júrgizilýde.
Almaty máslıhatynyń depýtattary – Nur Otan partıasy fraksıasynyń músheleri men qoǵamdyq keńesterdiń músheleri birqatar obektilerdi aralady. Máselen, "nurotandyqtar" – partıanyń depýtattyq fraksıasynyń músheleri Bolat Sadyqov pen Ásıa Aqanova Naýryzbaı jáne Jetisý aýdandarynda №7 qalalyq aýrýhananyń qabyldaý bóliminiń jańa korpýsynyń qurylysy jáne aýdanaralyq týberkýlezge qarsy dıspanserdiń seısmoturaqtylyǵyn kúsheıtý jumystary júrip jatqan densaýlyq saqtaý nysandarynyń damýymen tanysty. Bul nysannyń daıyndyǵy 90% quraıdy.
Almaty máslıhatynyń jas depýtattar korpýsynyń basshysy, partıa janyndaǵy Ult densaýlyǵy jónindegi óńirlik qoǵamdyq keńestiń múshesi A.Aqanovanyń aıtýynsha, qurylys merzimderine erekshe kóńil bólingen, óıtkeni osy nysandardy paıdalanýǵa berý arqyly kórsetiletin medısınalyq kómektiń sapasy artady.
«Jańa Almatyny» damytýdyń keshendi jospary men Nur Otan saılaýaldy baǵdarlamasy aıasynda 31 densaýlyq saqtaý nysanynyń qurylysy josparlanýda. Qalqaman shaǵynaýdanynda №7 QKA jańa korpýsynyń jáne balalar shuǵyl medısınalyq kómek ortalyǵynyń ota jasaý blogy bar qabyldaý bólimshesiniń qurylysy júrgizilýde. Medısınalyq qyzmetterdiń qadamdyq qoljetimdigin qamtamasyz etý maqsatynda bıyl árqaısysy 200 kelýshige arnalǵan tórt otbasylyq-dárigerlik ambýlatorıa salý kózdelgen.
Óz kezeginde bilim berý jónindegi qoǵamdyq keńestiń múshesi, depýtat Raıhan Bólekbaeva Alataý aýdanyndaǵy «Saıaly» jáne «Tomırıs» shaǵyn aýdanyndaǵy 1800 jáne 1500 oryndyq mektepter qurylysynyń barysymen tanysty. Depýtat jumys qarqynyna nazar aýdaryp, qurylysshylardy nysandy merziminde tapsyrýǵa shaqyrdy, óıtkeni balalar jańa mektepti ayǵa kútýde.
Búginde Almatyda birden 12,6 myń orynǵa arnalǵan segiz memlekettik mektep, 1,7 myń orynǵa arnalǵan alty jeke mektep, 8 263 orynǵa arnalǵan 17 jańa mektep korpýstary, sondaı-aq, tórt mekteptiń seısmoturaqtylyǵyn kúsheıtý jumystary júrgizilýde. Bul sharalar jyl sońyna deıin 21 myńnan astam jańa oqýshy ornyn ashýǵa múmkindik beredi.
Depýtattyq fraksıanyń múshesi Ermahan Ibraımov pen jastardy qoldaý jónindegi qoǵamdyq keńestiń múshesi Rýslan Nurlybaev Jetisý aýdanynda salynyp jatqan sporttyq ınfraqurylym nysandaryn aralady. Munda jyl sońyna deıin eki dene shynyqtyrý-saýyqtyrý kesheni paıdalanýǵa berilýi tıis.
Jalpy, partıanyń saılaýaldy baǵdarlamasyn oryndaý jónindegi Jol kartasynda megapolıste 5 dene shynyqtyrý-saýyqtyrý keshenin iske asyrý josparlanýda. Bul kórsetkish sportpen júıeli túrde aınalysatyn almatylyqtardyń úlesin 33%-ǵa deıin arttyrady.
Jyl sońyna deıin Almatyda Jetisý, Alataý, Medeý jáne Túrksib aýdandarynda alty DSHK salynady. Olardyń árqaısysy táýligine 5 myńǵa jýyq adamdy qabyldaı alady.
Esterińizge sala keteıik, Almaty Jol kartasynyń 180 pýnktiniń árqaısysy boıynsha partıa baǵdarlamasynyń iske asyrylý barysyn odan ári baqylaý úshin depýtattyq fraksıa músheleri bekitilgen.