Armenıalyq ánshi «Jańa tolqyn-2021» baıqaýynyń jeńimpazy atandy
Sochıde ótken «Novaıa Volna - 2021» mýzykalyq baıqaýynyń qorytyndy konserti ótti, dep habarlaıdy almaty-akshamy.kz Dimashnews.com saıtyna silteme jasap.
Festıváldi qorytyndylaıtyn saltanatty keshti Leonıd Agýtın «Sochı» ánimen ashty. Merekelik baǵdarlamaǵa Sergeı Lazarev, Anı Lorak, Grıgorıı Leps, Aleksandr Panaıotov, Nıkolaı Baskov, Krıstına Orbakaıte, Irına Alegrova, Anjelıka Varým, Soso Pavlıashvılı, Larısa Dolına, Taısıa Povalıı jáne basqa da tanymal ártister qatysty.
«Jańa tolqyn-2021» festıvaliniń qorytyndy konsertinde tyńdarmandarǵa Dımashtyń úshinshi premerasy tartý etildi. Dımashtyń oryndaýyndaǵy ándi zaldaǵy kórermen bir demmen tyna qaldy. Zaldyń barlyq keńistigi ártistiń daýsymen qamtyldy, New Wave Hall sahnasynan qazaqstandyq ánshiniń vokalızben oryndaǵan «Ave Maria» máńgilik taqyrybynyń jańa oryndalýy estildi.
Dımashtyń oryndaýyndaǵy ándi mýzyka avtory kompozıtor Igor Krýtoı Dımashty súıemeldedi jáne hor ártisteriniń daýysy shyǵarmaǵa qajetti atmosferany jetkize bildi. Kompozısıa shyrqalǵan kezde búkil zal ishten tynyp, bir demmen tyńdady.
Keshtiń ortasynda ártisterdiń óner kórsetýleri arasynda baıqaý júldegerleri men jeńimpazdaryn marapattaldy. Jarystyń barlyq fınalısteri men qazylar alqasy sahnaǵa saltanatty túrde shaqyryldy.
Sergeı Lazarev «Mýz-TV» telearnasynyń arnaıy júldesin Max Box mýzykantqa jáne Reseıden kelgen Grinkevich tobyna «Kórermender kózaıymy» syılyǵyn tabys etti. Leonıd Agýtınniń qolynan úshinshi oryn úshin júldeni ıspanıalyq ánshi Horhe Gonsales aldy. Al ekinshi oryn ıegeri Bolgarıadan kelgen jas ánshi Denısa Karaslavova óz marapatyn Dımash Qudaıbergenniń qolynan aldy. Kópten kútken jeńisti sózsiz favorıt Armenıanyń ókili Saro Gevorgyan aldy. Jeńimpaz qazylar alqasynyń tóraǵasy Igor Krýtoıdyń qolynan marapatqa ıe boldy.
Dástúr boıynsha fınalda «Ýhodıt prazdnık» áni shyrqaldy.
Esterińizge sala keteıik, mýzykalyq dodaǵa Qazaqstan atynan «Mezzo» kvarteti qatysyp, baıqaýdyń alǵashqy eki kúniniń qorytyndysy boıynsha, aldyńǵy úshtikte kóringen bolatyn.