Jańa erejeler Jeke derekter týraly zańǵa ózgerister engizýdi qarastyrady.
Bul týraly eldiń premer-mınıstri Ionas Gar Stere málimdedi, dep habarlaıdy aqshamnews.kz
Onyń aıtýynsha, jas shekteýi balalardyń mıyna "qarsy baǵyttalǵan" algorıtmderden qorǵaý maqsatynda engizilmek, sebebi áleýmettik jeliler kámeletke tolmaǵandardyń sanasy men psıhıkalyq jaǵdaıyna keri áser etedi.
"Bul – aıtarlyqtaı kúshti belgi. Balalardy zıan kontentten qorǵaý kerek. Bul – úlken tehnologıalyq alpaýyttar men kishkentaı balalardyń mıyna qarsy kúres. Biz bul aýyr shaıqas ekenin bilemiz, sebebi bul salada qýatty kúshter bar, biraq munda saıası sheshimder de qajet", - dep atap ótti ol.
Jańa erejeler Jeke derekter týraly zańǵa ózgerister engizýdi qarastyrady, bul platformalarǵa jas mólsherin tekserý tetikterin engizýge jáne paıdalanýshylardyń jeke aqparatyn óńdeýge múmkindik beredi.
Qazirgi ýaqytta Norvegıada osyǵan uqsas shekteýlerdiń jumsaǵyraq nusqasy qoldanysta: ol 13 jasqa deıingi balalarǵa áleýmettik jelilerdi paıdalanýǵa tyıym salady, biraq ol is júzinde jumys istemeıdi. 10 jastaǵy balalardyń 58%-y jáne 11 jastaǵy balalardyń 78%-y áleýmettik jelilerdi paıdalanýdy jalǵastyryp keledi.