Juma kúni tańerteń AQSH-tyń shyǵys jaǵalaýynda bolǵan 4,8 baldyq jer silkinisiniń dúmpýleri Nú-Iork pen jaqyn mańdaǵy aımaqtarǵa sezildi.
Jerasty dúmpýleriniń oshaǵy Nú-Djersı shtatyndaǵy Lıvan qalasyna jaqyn mańda, Nú-Iorkten batysqa qaraı 64 shaqyrymdaı jerde boldy, dep habarlaıdy almaty-akshamy.kz VVS-ge silteme jasap.
Nú-Iork pen onyń mańyndaǵy aýdandarǵa keltirilgen shyǵyn kólemi naqtylanbady, qazir qalanyń órt sóndirý qyzmeti onyń saldaryn baǵalap jatyr.
Amerıkanyń shyǵys jaǵalaýynda jer silkinisi sırek kezdesedi jáne bul Nú-Iork qalasynda sońǵy onjyldyqtardaǵy eń kúshti jer silkinisi boldy.
Áleýmettik jeli qoldanýshylary jer silkinisi Fıladelfıadan Nú-Iorkke deıin jáne shyǵys jaǵalaýda Bostonǵa deıin sezilgenin habarlady.
Ótken jyly Býffaloda (Nú-Iork) magnıtýdasy 3,8 baldyq jer silkinisi boldy, biraq bul aımaqta 40 jyl boıy mundaı kúshti jer silkinisi bolmaǵan.
1983 jyly Nú-Iork shtatynyń ońtústigindegi Núkombta 5,1 baldyq jer silkinisi boldy.
Nú-Iork qalasynyń meri Erık Adams búgingi jer silkinisiniń aýyr zardaptary týraly málimet joq ekenin aıtty.
Jer silkinisi saldarynan Nú-Iorktiń birneshe áýejaıy jumysyn ýaqytsha toqtatty.