Nú-Iork Kanadanyń orman órtinen tútin jınalýyna baılanysty álemdegi eń nashar aýa sapasy boıynsha iri qalalar arasynda birinshi orynda tur, dep habarlaıdy Almaty-akshamy.kz.
Kanadadaǵy dala órtiniń tútini AQSH-tyń shyǵys bóliginiń kóp bóligin jamylyp, aýanyń ótkir ıisi aspandy qyzǵylt sary túske aınaldyrǵan.
Mýnısıpaldy bılik 16 shtattaǵy 128 mln-ǵa jýyq adamǵa orman órti saldarynan aýa sapasynyń nasharlaıtynyn eskertip, úıden shyqpaýǵa keńes berdi, dep jazdy QazAqparat NBS News-ke silteme jasap.
Sársenbide Nú-Iork shtatynyń gýbernatory Ketı Hochýl shtattyń kóp bóligine áser etken dala órtiniń tútinin «densaýlyq pen qorshaǵan orta daǵdarysy» dep atady .
Ulttyq meteorologıa qyzmetiniń málimetinshe, Nú-Iork shtatynyń negizgi aýdandarynda aýadaǵy zıandy zattardyń joǵary konsentrasıasy beısenbige deıin saqtalady.
Nú-Iork bıligi qalada ádettegi aýa sapasynyń ındeksi - shamamen 50, al sársenbide Brýklın okrýgterinde - 413, Kvınste - 407 bolǵanyn habarlady.
Sondaı-aq, Vashıngton (Kolýmbıa okrýgi), Bostonda (Massachýsets) aýa sapasy nasharlaǵan, al Fıladelfıa qalasynda (Pensılvanıa) tipti qaýiptiń «qyzyl kody» engizilgen.
Resmı málimetke sáıkes, sársenbide búkil el boıynsha 414 orman órti saldarynan birqatar eldi mekenderden 20 myńnan astam adam evakýasıalanǵan.
Bıyl Kanada boıynsha 2200-den astam orman órti tutanyp, shamamen 3,8 mln ga orman órtendi.