Tártipsizdikke ulttyq valúta dızaınynyń ózgergeni de áser etken
Nıgerıada Parlament saılaýy kezinde jappaı tártipsizdik boldy. Zań júzinde saılaý qorytyndysy senbi kúni tústen keıin jarıalaný kerek edi. Biraq uıymdastyrý qatelikteri men saılaý ýchaskelerine jasalǵan shabýyldar saldarynan keı aýdandarda daýys berý jeksenbi kúni biraq bastalǵan, dep habarlaıdy Almaty-akshamy.kz QazAqparatqa silteme jasap.
«Bolyp jatqan oqıǵany eskersek, saılaý komısıasynyń biliktiligine kúmán keledi. Bizge saılaýǵa deıin bári retimen ótedi, al nátıjesi elektrondy túrde beriledi dep aıtqan bolatyn», - deıdi saýdager Emeka Nvaııanvý.
Mundaı bylyqqa ulttyq valútanyń dızaınynyń ózgergeni de áser etti: bul ınflásıamen kúresý úshin jasalǵan amal edi, biraq saılaý kezinde bankterdegi haosqa alyp keldi. Jańa aqsha saılaýshylardy satyp alý úshin paıdalanylady degen aıyptaýlar da kezdesedi, dep jazdy Euronews agenttigi.
«Biz daýys bergimiz keledi, bul - bizdiń azamattyq quqyǵymyz. Munda tańǵy 7-den beri turmyz, daýys bermeı eshqaıda ketpeımiz», - dedi Iola turǵyny Ahmed Iahá.
Nıgerıa saılaý komısıasynyń basshysy bolyp jatqan oqıǵa úshin keshirim surap, másele sheshilgenin, al qaýipsizdik sharalary kúsheıtilgenin málimdedi. Degenmen saılaý nátıjesi sársenbiden erte jarıalanbaıtyn tárizdi.
Buǵan deıin Nıgerıada prezıdent jáne parlament saılaýy bolyp jatqany habarlanǵan bolatyn.