Aýrýdyń jańa jaǵdaılary anyqtalǵan
Nıderlandy Ulttyq densaýlyq saqtaý ınstıtýtynyń málimetinshe, sońǵy birneshe kúnde elde maımyl sheshegi aýrýynyń 64 jańa jaǵdaıy, onyń ishinde mektep jasyndaǵy baladan anyqtaldy, dep habarlaıdy Almaty-akshamy.kz QazAqparat-qa silteme jasap. Vedomstvoaralyq komısıanyń málimetinshe, balanyń maımyl sheshegin qalaı juqtyrǵany áli belgisiz, biraq Nıderlandy ulttyq densaýlyq saqtaý ınstıtýty bul juqtyrǵan adamnyń terisimen baılanysta (janasý) bolǵandyqtan dep sanaıdy. Qalǵan jańa jaǵdaılardyń kópshiligi dástúrli emes baǵdardaǵy erlerge qatysty. Bul Amsterdamdaǵy jáne Nıderlandynyń basqa da iri qalalaryndaǵy bir aı ishinde bolǵan praıda is-sharalaryna baılanysty bolýy múmkin. Nıderlandyda barlyǵy 352 maımyl sheshegi ınfeksıasyn juqtyrǵandar tabyldy.