Áleýmettik jeliler men messendjerlerde 15-ne deıin ótinish bergen qazaqstandyqtardyń barlyq banktik qaryzdary tolyq óteletini týraly habarlama taratylýda. Bul jalǵan, dep habarlaıdy Almaty-akshamy.kz stopfake.kz saıtyna silteme jasap.
Qazaqstan Respýblıkasynyń Qarjy naryǵyn retteý jáne damytý agenttigi men Qazaqstan Ulttyq banki nesıelik raqymshylyq jasaý týraly aqparatty joqqa shyǵardy.
– Áleýmettik jeliler men messendjerler arqyly taratylyp jatqan nesıelerdi óteý týraly feık jańalyqtar shyndyqqa janaspaıtynyn resmı túrde málimdeımiz. Qazaqstan Respýblıkasy Qarjy naryǵyn retteý jáne damytý agenttigi men Qazaqstan Ulttyq banki azamattar men BAQ-tan tek resmı aqparat kózderine ǵana senýdi suraıdy, – delingen vedomstvolardyń birlesken habarlamasynda.
Esterińizge sala keteıik, byltyr jeltoqsan aıynda Qaznette nesıelerdi óteý týraly osyndaı aqparat keńinen taraǵan bolatyn.