«Qazaqstan temir joly» ulttyq kompanıasy» AQ bazasynda energetıka salasynyń júıe quraýshy kásiporyndarymen ózara is-qımyl shtaby jumys istep tur. Bul týraly aksıonerlik qoǵamnyń baspasóz qyzmeti habarlady, dep habarlaıdy Almaty-akshamy.kz QazAqparat tilshisine silteme jasap.
«Qazaqstan temir joly» ulttyq kompanıasy» AQ bazasynda energetıka salasynyń júıe quraýshy ónerkásip kásiporyndarymen (JEO, GRES, kómir jáne ken razrezderi) ózara is-qımyl boıynsha shtab jumys istep tur. Qazirgi ýaqytta jyljymaly quram úzdiksiz sıkl óndiristerin shtattyq rejımde qamtamasyz etip otyr. Otyn-energetıka kesheni nysandaryna munaı ónimderin jóneltý jospar boıynsha júrgizilýde», - delingen ulttyq kompanıanyń málimetinde.
«QTJ» aqparaty boıynsha, shtab óndiristik kompanıalarmen turaqty baılanysta jumys istep tur. «Jyljymaly qurammen qamtamasyz etý jáne júkterdi jetkizý máseleleri jedel tártipte sheshilip jatyr», - dep jazady «Qazaqstan temir joly» UK» AQ baspasóz qyzmeti.
Buǵan deıin temirjol qyzmetkerleri búlik kezinde zardap shekkender úshin qan tapsyryp jatqany týraly jazǵanbyz. https://www.inform.kz/kz/temirzhol-kyzmetkerleri-bulik-kezinde-zardap-shekkender-ushin-kan-tapsyruda_a3882739
QR Densaýlyq saqtaý mınıstrligi tótenshe jaǵdaı rejımi kezeńinde medısınalyq kómek kórsetý jáne mindetti áleýmettik medısınalyq saqtandyrý máseleleri boıynsha halyqqa keńes beretin 1406 baılanys ortalyǵynyń qosymsha nomerlerin iske qosty: 8-7172-67-41-33, 8-7172-67-41-34, 8-7172-67-40-92.