Kúzgi kezeńde aǵash otyrǵyzýǵa qatysty TOP-5 suraq
Nelikten byltyr kóshetter topyraǵymen jatty? Buǵan búdjet qarjysy jumsaldy ǵoı, olardy birden otyrǵyzýǵa múmkindik bolmady ma?
Tehnologıaǵa sáıkes, kóshetterdi otyrǵyzýǵa arnalǵan shuńqyrlar otyrǵyzýǵa deıin 5-10 kún buryn jeldetilýi kerek. Merdigerlerge qatysty buzýshylyqtar anyqtalǵan jaǵdaıda aıyppuldar men ornyna aǵash egýdi mindetteý túrinde sharalar qabyldanady.
Nelikten kóshetter sýyq mezgilde otyrǵyzylady?
Kóshetterdi tálimbaqtan qalalyq ortaǵa kóshirý jasyl jelekterdiń shyryn qozǵalysy toqtaǵan soń júrgizilýge tıis. Bul bıologıalyq kezeń sýyq mezgilge týra keledi.
Nelikten kógaldandyrýshylar jyl saıyn sol bir aǵash túrlerin tańdaıdy?
Bas botanıkalyq baq pen agrarlyq ǵylymı ýnıversıtet mamandarynyń usynysy boıynsha kósheler boıyna negizinen emen, úıeńki, shegirshin, shaǵan, terek, al saıabaqtar men alańdarda - sánaǵash, qaıyń, akasıa, shyrsha jáne jemis (alma, shıe, almurt, órik) aǵashtary otyrǵyzylady. Aǵashtyń bul túrleri tyǵyz jáne jáne saıaly aǵashqa aınalyp, lastanǵan aýa aǵynyn jaqsy ustaıdy.
Nelikten qalada aǵashtar qýrap jatyr? Ákimdik máseleni qalaı sheshpek?
Bıyl jasyl qordy jaqsylap sýarý úshin sý jınaǵysh qurylysyn salý jáne rekonstrýksıalaý bastaldy. Qazir nysandardaǵy jumys 80%-ǵa aıaqtaldy, Halyq Arena, Qalqaman skverinde, Jeltoqsan saıabaǵynda, SHAAJ, Tımırázev jáne Ýsıkov kóshelerinde sý berý qamtamasyz etildi. Ári qalada aryq jelisi keńeıip, jasyl jelekterdi avtomatty sýarý jáne tamshylatyp sýarý júıesi engizilip jatyr.
Qala turǵyndary tlı men shybyn-shirkeıdiń kóbeıýine shaǵymdandy. Almatyda zıankestermen kúresý úshin qandaı sharalar qabyldanyp jatyr?
Ekologıa jáne qorshaǵan orta basqarmasy aǵashtardyń turaqty jaǵdaıyn jaqsartý, saqtaý jáne olardyń ártúrli zıandy organızmderge tózimdiligin arttyrý úshin bıyl shildede jasyl jelekterdi bıologıalyq óńdeýdiń úshinshi kezeńin ótkizdi. Japyraq jeıtin, soratyn zıankester men zeń aýrýlary qozdyrǵyshtaryna qarsy 2,3 mıllıonnan astam aǵash óńdeledi dep josparlanǵan.
Zıankester men aýrýlardyń bıologıalyq ereksheligin eskerip, óńdeý túnde jáne tańerteń júrgiziledi. Monofag zıankesterine meılinshe áser etý úshin bıyl birinshi kezeńde (vegetasıalyq kezeńniń basynda) emen tórt ret jáne terek eki ret óńdelgen. Aıta keteıik, buryn ósimdikterdi bıologıalyq qorǵaý vegetasıalyq kezeńniń basynda tek bir ret júrgizildi, biraq mundaı óńdeý jıiligi monofag zıankesteri úshin jetkiliksiz ekenin kórsetti.
Bıyl barlyǵy 4 kezeńdik bıologıalyq óńdeý júrgizý josparlanǵan, qazir 3 kezeńi bitti. Sońǵy bıologıalyq óńdeý 20 tamyzda bastaldy, endi 20 qyrkúıekte aıaqtalady.