2025 jyldyń 1 qańtarynan bastap Birikken Arab Ámirlikterinde (BAÁ) nekege turýdy josparlaǵan juptar úshin genetıkalyq testileýden ótý mindetteldi. Bul sheshim bolashaq urpaqtyń densaýlyǵyn qamtamasyz etý jáne tuqym qýalaıtyn aýrýlardyń aldyn alý maqsatynda qabyldanǵan, dep habarlaıdy aqshamnews.kz
BAÁ úkimetiniń málimetinshe, testileý 570-ten astam gendik mýtasıa men 840-qa jýyq aýrýdy anyqtaýǵa múmkindik beredi. Olardyń ishinde epılepsıa, mýkovısıdoz jáne júrek patologıalary sekildi tuqym qýalaıtyn aýrýlar bar.
Pılottyq joba nátıjesinde, testten ótken juptardyń 86%-y genetıkalyq turǵydan úılesimdi dep tanylsa, 14%-yna qosymsha medısınalyq keńes berý usynylǵan. Sonymen qatar, skrınıngke VICH, gepatıtter, merez jáne basqa da ınfeksıalyq aýrýlarǵa testileý engizilgen.
BAÁ tájirıbesi qoǵamda tuqym qýalaıtyn aýrýlardy azaıtýǵa jáne deni saý urpaq tárbıeleýge septigin tıgizedi. Qazaqstanda da osyndaı bastamany engizý qajet pe? Siz qalaı oılaısyz?