Negizgi UBT-ǵa ótinish qabyldaý 14 mamyrǵa deıin jalǵasady.
UBT-ǵa qatysý úshin http://app.testcenter.kz saıtynda tirkeýden ótýge bolady, dep habarlaıdy Almaty-akshamy.kz
Testileýdiń ózi 16 mamyrdan 5 shildege deıin ótedi. Bul rette talapkerler negizgi UBT-ny eki ret tapsyryp, úzdik nátıjemen granttardy taǵaıyndaý konkýrsyna qatysa alady.
«Buǵan deıin mınıstr Asqat Aımaǵambetov túlekterge joldaǵan hatynda talapkerlerge tıimdi sheshim qabyldanǵanyn málimdegen bolatyn. Endi olar UBT tapsyrýǵa jáne grantqa túsýge eki múmkindik aldy. Sonymen qatar bir beıindi pánderdiń kombınasıasyn eki ret tańdaýǵa bolady», - dep túsindirdi QR BǴM Ulttyq testileý ortalyǵynyń dırektory Rýslan Emelbaev.
Aıta keteıik, aldyńǵy eki UBT-2022 (qańtar, naýryz) qorytyndysy boıynsha testilenýshilerdiń ortasha baly 68,5 baldy qurady, bul byltyrǵy nátıjelerdnen joǵary. Qatysýshylardyń 70%-dan astamy shekti baldy jınaı aldy, al eń úzdik kórsetkish - 135 bal. Talapkerlerdiń akademıalyq adaldyqty saqtaýynda da oń ózgeris baıqalady. Tyıym salynǵan zattardy alyp ótý áreketteri, sondaı-aq olardy testileý kezinde paıdalaný 2-3 ese azaıdy.
Sonymen qatar naýryz aıynda ótken UBT-da ár pán boıynsha jeke taqyryptyq taldaý engizildi. Bul talapkerlerge ózderiniń álsiz tustaryn jaqsartyp, negizgi UBT-ǵa budan da tyńǵylyqty daıyndalýǵa múmkindik beredi.
Túlekterdiń UBT-ǵa jaqsy daıyndalýynyń taǵy bir múmkindigi – Ulttyq testileý ortalyǵynyń tegin onlaın-synaq testileýin iske qosýy. Onymen qosa UTO-men birlesip ázirlengen bilim berý ortalyqtarynyń tegin onlaın sabaqtary da jalǵasyp jatyr.
Aıta keteıik, akademıalyq adaldyqty saqtaý úshin talapkerlerdiń test nusqasy tańbalanady. Iaǵnı árbir UBT-ǵa qatysýshysynyń jeke test nusqasy bolady. Erejelerdi buzǵan jáne test tapsyrmalaryn aýdıtorıadan tys jerge shyǵarýǵa tyrysqan jaǵdaıda, Ulttyq testileý ortalyǵy ereje buzýshylardy anyqtap, onyń test nátıjelerin joıady.
Pánderdiń sany ózgerissiz qalady - úsh mindetti jáne eki tańdaý boıynsha. Test tapsyrmalarynyń sany – 120. Onyń ishinde Qazaqstan tarıhynan - 15, matematıkalyq saýattylyqtan - 15, oqý saýattylyǵynan - 20 jáne eki beıindik pánnen - 35. Eń joǵarǵy upaı sany – 140.
Testileýdiń jalpy ýaqyty – 4 saǵat (240 mınýt). Erekshe bilim berýdi qajet etetin talapkerlerge test tapsyrmalaryn oryndaýǵa qolaıly jaǵdaı jasaý úshin alǵash ret negizgi 240 mınýtqa qosymsha taǵy 40 mınýt berildi. Sonymen birge erekshe talapkerlerge arnalǵan tapsyrmalardyń mazmunyna da ózgerister engizildi. Olar úshin test nusqalary sýrettersiz, dıagramlarsyz jáne syzbalarsyz ázirlendi. Sondaı-aq UBT kezinde kompúter ekranynda kálkýlátor, Mendeleev kestesi jáne metaldardyń birqatar belsendiligi qosylǵan tuzdyń erigishtigi kestesi qoljetimdi bolady.
Eske sala keteıik, úmitkerler testileý aıaqtalǵannan keıin 30 mınýt ishinde apelásıaǵa bere alady. Sertıfıkat appelásıa týraly sheshim qabyldanǵannan keıin testilenýshiniń jeke kabınetinde qoljetimdi bolady.