Astana qalasynyń salynýy Táýelsiz Qazaqstannyń tarıhynda aıryqsha máni bar oqıǵa boldy. Ózderińizge málim, elordany kóshirý ońaı bolǵan joq. Aýqymdy jumys isteldi. Bul sheshim óte kúrdeli kezeńde qabyldandy. El ekonomıkasy toqyraýda boldy. Jurt naryqtyq qatynastarǵa tolyq beıimdelmegen kez edi, - dedi Toqaev.
Prezıdent atap ótkendeı, osyndaı qıyn jaǵdaıda Joǵary Keńes, Tuńǵysh Prezıdent Nursultan Ábishuly Nazarbaevtyń bastamasy boıynsha Astanany Aqmolaǵa aýystyrý týraly sheshimdi 1994 jyly 6 shildede qabyldady, -dep jazdy BAQ.KZ.
Bas qalamyz resmı túrde 1997 jyly 10 jeltoqsanda kóshirildi. Al osydan 25 jyl buryn 6 mamyrda Aqmola ataýy Astana bolyp ózgertildi. Elordanyń jylnamasy Táýelsiz Qazaqstannyń shejiresimen tyǵyz astasyp jatyr. Shyn máninde, Astanany kóshirý geosaıası turǵydan óte durys qadam boldy, - dep aıtty Memleket basshysy.
Aıtýynsha, bul halqymyzdyń bolashaq taǵdyryn aıqyndaǵan asa mańyzdy jáne jer kezinde qabyldaǵan kásibı sheshim boldy.
Tuńǵysh Prezıdenttiń osy bastamasy jalpy ulttyq ıdeıaǵa aınaldy. Bul sheshim elimizdiń, halqymyzdyń ulttyq múddesine saı kelgenine eshqandaı kúmán joq. Sondyqtan bárimiz Nursultan Ábishuly Nazarbaevtyń bul saladaǵy eńbegine laıyqty, ádil baǵa berýimiz kerek, - dedi Toqaev.
Prezıdenttiń aıtýynsha, ádiletti Qazaqstanda aqty aq, qarany qara deý qajet, basqa sózben aıtqanda, neniń shyndyq, neniń ótirik ekenin ajyrata bilý kerek. Bul – elimizdiń bolashaǵyna tikeleı qatysy bar másele.