Qazaqstannyń birinshi prezıdenti Nursultan Nazarbaevtyń atynda bolǵan taǵy bir ýnıversıtettiń ataýy ózgerdi, dep habarlaıdy almaty-akshamy.kz BAQ.KZ-ke silteme jasap.
Búgin Senat Ulttyq qordan balalarǵa beriletin qarjyǵa qatysty zańdy Májiliske qaıtarǵan bolatyn. Depýtat nege bulaı jasaǵandaryn túsindirdi.
Búgin biz erekshe zań jobasyn qaradyq. Parlamentte ol egjeı-tegjeıli qaralǵan bolatyn. Prezıdenttiń bastamasymen «Ulttyq qordan - balalarǵa» degen zań jobasy usynyldy. Qujat Májiliste qaralyp, bizge tústi. Biz jalpy negizgi tujyrymdamany qabyldadyq. Biraq zańdy talqylaý barysynda birneshe ózgeris engizýge týra keldi. Onyń egjeı-tegjeıin qarjy vıse-mınıstri aıtyp beredi. Birinshiden, aqshany aýdarýǵa baılanysty. Mysaly, aqshany jınaqtaý qoryna aýdarǵan kezde dollardyń baǵamy ártúrli bolýy múmkin. Dollar baǵamy bir kúnde 4-5 ret ózgerýi múmkin. Sondyqtan biz ony aýdarý kúni emes, aýdarý ýaqyty degen ózgeris engizdik, - dedi Bekbol Orynbasarov.
Sonymen qatar ol máseleni arnaıy qaradyq dep otyr.
Ekinshiden, muny bárimiz aıtýymyz kerek. Tuńǵysh prezıdent jáne Elbasy týraly zańnyń ózgerýine baılanysty biz osy máseleni arnaıy qaradyq. Ol jeke másele. Qazaqstannyń arnaýly memlekettik organdary týraly zańnyń normasyna sáıkes keltirý kerek boldy. Zańmen Qazaqstannyń tuńǵysh prezıdenti, Elbasy atyndaǵy Ulttyq qorǵanys ýnıversıtetinde oqytý máselesi reglamenttelgen. Senatorlar osy ýnıversıtettiń ataýyn Qazaqstan Respýblıkasy Tuńǵysh prezıdenti, Elbasynyń esimi degen sózderdi Qazaqstannyń Tuńǵysh prezıdenti, Elbasy týraly konstıtýsıalyq zańnyń qoldanylýyn toqtatylýyna baılanysty Qazaqstan Respýblıkasy degen sózdermen aýystyrýdy usyndy, - dep atap ótti senator.
Belgili bolǵandaı, zańnan ulttyq ál-aýqat qorynyń jalǵyz aksıoneriniń quzyretin retteıtin qaıtalanatyn normalar alynyp tastaldy.