Aqtaý qalasynyń burynǵy Nazarbaev rezıdensıasy turǵan jer endi meshit pen teńiz vokzalyna aınalady. Iá, qatelespedińizder, burynǵy memlekettik nysannyń ornyna kópfýnksıaly «baqyt mekeni» salynbaq. Bul týraly Mańǵystaý oblysynyń ákimi Nurdáýlet Qılybaı halyqpen kezdesýde málimdedi, dep habarlaıdy aqshamnews.kz
Bir kezdegi rezıdensıanyń jeri halyqqa ýáde etilgendeı balalarǵa arnalǵan nysandar úshin paıdalanylýy kerek edi. Biraq, tańǵalarlyq jaǵdaı, jer bir kúnde «jeke menshiktiń qushaǵyna» enip ketken. Ákimniń aıtýynsha, bul qazir qaıtadan memlekettik balansta. Al endi jospar boıynsha, stadıon, meshit, balalar alańdary, teńiz vokzaly, tipti shaǵyn jáne orta bıznes nysandary da salynady. «Endi bul jer kimge tıesili ekenin suramaı-aq qoıyńyzdar, báribir ózgerip ketýi múmkin», — degen oı týady.
Biraq eń qyzyǵy, memlekettik saraptama nátıjeleri tek 2025 jyldyń naýryzynda daıyn bolady eken. Iaǵnı, qazirden bastap armanǵa shomylyp, teńiz jaǵasyndaǵy meshitke kelip duǵa oqyp, balalar alańynda oınap, teńiz vokzalynan katerge otyryp ketýdi kóz aldaryńyzǵa elestete berińizder.