Reseıde alaıaqtar symsyz qulaqqaptar arqyly jurtty tyńdap, aqshalaryn urlap jatyr. Bul alaıaqtyq ázirshe Qazaqstanda tirkelgen joq, dep habarlaıdy aqshamnews.kz
Banksta telegram-kanalynda habarlanǵandaı, alaıaqtar symsyz garnıtýralardyń jumysyn paıdalanyp, basqa adamnyń telefonyndaǵy mıkrofondy qashyqtan qosyp tyńdaıtyn kórinedi. Sonymen qatar, olar telefonǵa zıandy kod engizý múmkindigin de paıdalanyp úlgergen.
Osylaısha, alaıaqtar telefondaǵy jeke derekterge, faıldarǵa, sms-habarlamalaryna, baılanys derekterine, bank qosymshalaryna, logınder men parólderge qol jetkize alady.
Qalaı qorǵanýǵa bolady? Sarapshylar Bluetooth 5.0 nemese odan joǵary nusqadaǵy qulaqqaptardy qoldanýǵa keńes beredi. Sonymen qatar, qajet bolmaǵan kezde telefonnan Bluetooth-dy óshirip qoıǵan abzal.