20 naýryzda Qazaqstanda Naýryznama onkúndigin merekeleý aıasynda ulttyq sport kúni ótti. Bul kúni Almatyda aýdandarda, mektepterde jáne komúnıtı ortalyqtarda kóptegen is-shara ótti, dep habarlaıdy Almaty-akshamy.kz
Bul kúni mektep oqýshylary ulttyq sport túrlerinen baq synasty. Jetisý aýdanynyń № 110 mektep-gımnazıasynda 7-8 synyp oqýshylary arqan tartý, asyq atý, tymaq urý, qol kúres, buqa tartý sıaqty ulttyq sport túrlerinen baq synasty, №7 Oqýshylar úıinde «Toǵyzqumalaq» zıatkerlik ulttyq oıyny boıynsha oqýshylar arasynda «Ulystyń Uly kúni – ulttyq ıgi» atty qalalyq jarys ótti. Áýezov aýdanynyń №116 mektebinde oqýshylar arqan tartý, asyq atý, tymaq urý, buqa tartys jáne toǵyzqumalaq syndy ulttyq sport túrlerinen baq synasty.
Sonymen qatar, Naýryznama onkúndigin merekeleý aıasynda ulttyq sport kúnine arnalǵan merekelik is-shara qalalyq komúnıtı ortalyqtardyń birinde ótti. Túrksib aýdanynda jastar arasynda arqan tartý, armrestlıng jáne asyq atýdan jarys uıymdastyryldy.
Naýryzbaı aýdanynda № 76 mektep-gımnazıasynda uldar arasynda asyq atý, toǵyzqumalaq, bestas (shekemtas), qol kúres, láńgi tebý, arqan tartý, hantalapaı jáne tymaq urýdan ulttyq oıyndar ótkizildi. Ulttyq oıyndarǵa 100-den astam oqýshy qatysty.
Alataý aýdanynda №152 mektep-gımnazıasynda oqýshylar arasynda arqan tartý, asyq atý, bes asyq, qazaq kúresi, toǵyzqumalaq, buqa tartys jáne teńge alýdan jarystar ótti.
Bostandyq aýdanynda Naýryz merekesine arnalǵan «Kúı kúmbiri» respýblıkalyq chellendji ótkizildi. 200-den astam jas dombyrashy Er Turan men Balbyraýyn syndy qazaq kompozıtorlarynyń kúılerin tartty.