Ótken jolǵy paıymymyzda «... jańa amal – Áz-naýryz kiredi. Ol kelgende kún jylynyp, qar erigen ústine erı túsedi. Kóp kóje, tileý kóje, kók kóje degen bul amaldyń janama attary bar. Osy mezgilde malshylar qatty aıazdyń ótkenin súıinshilep bir qystaýdan ekinshisine qydyryp baratyn bolǵan. Áz sóziniń jaqsy, ıgi degen maǵynasy bar. Aıazdyń bitkenin, jaqsy kúnniń kelgenin bildirý úshin áz ataýyn qoısa kerek...» dep jazǵanbyz. Sol amal osy aıdyń 10-ynan kiredi. Aıdyń 15-ine deıin jalǵasady.
Qazekeń Naýryz merekesin naýryz aıynyń alǵashqy kúninen bastap (eskishe 1 naýryz qazirgi 14- ine sáıkes), bir aı boıy meıramdaǵan. Babalardyń aıtýy boıynsha, 8 kúndik naýryznama ( eskishe 1– 8 naýryz, qazirg i kúntizbede 14–21 naýryz aralyǵy) ótetin bolǵan.
Qazaqy esep boıynsha, jyldyń basy – 14 naýryz. Osy kúni «naýryzdyń aqshaqary» jaýady. Ertede ol «Naýryz-aıt» dep merekelense, qazir «Amal» nemese «Kórisý » dep, jyldyń basy retinde qabyldanyp keledi. Bul kúni burynǵylar (ásirese, batys aımaqty mekendegen qazaqtar) erte turyp, eleń-alańnan jasy úlken adamdarǵa tós qaǵystyra sálem beredi. Qystan aman-esen shyqqanyna qýanyp bir-birimen tabysyp, qaýyshyp dıdar ǵanıbet bolǵan. Bir jas qosýymen quttyqtaǵan.
Kórshi-qolań bir-birine «Jasyń qutty bolsyn!», «Jasyńa jas qosylyp, ǵumyryń uzaq bolǵaı!» dep tilekter aıtady. Qystyń yzǵarly úsh aıy bitip, toqsan shyqqan kún de o sy – naýryzdyń 14-i. «Kórisý» buryndary elimizdiń batys óńirinde ǵana atalyp kelse, sońǵy jyldary elimizdiń kópshilik aımaqtarynda qyzý toılanatyn dástúrge aınaldy.
Qazaq – naýryzdy Orta Azıany mekendegen ózge týys halyqtarǵa qaraǵanda birden-bir asyǵa kútetin, saǵyna ańsaıtyn, toryǵa tosatyn halyq. Naýryz kójeni naýryzdyń 14-inen bastap ázirleı bergen.
Aptanyń bir erekshe qýany- shy – elimizge, tek Qazaqstanǵa ǵana emes, búkil álemge qaıǵy- qasiret, orny tolmas apatty jaǵdaılardy ala kelgen kókshe qoıan jylymen qoshtasatynymyz. Qoıan jylynyń basynda «Qoıan sekirip kelip, sekektep ketedi» dep jazǵanbyz. Qazekeń qoıan jylyn jaqsy atamaǵan. Qaı kezde de saqtanyp, abaı bolyp júrgen. Tarıhqa kóz salsaq, qoıan jylynyń talaı zobalańdy alyp kelgenine kýá bolamyz. Shaǵyn qoıan álemdi shaıqap tur...
Sonymen amandyq bolsa, endi bes kúnnen keıin qazaqtyń jyl sanaýy boıynsha Ulý jyly kiredi, demek tabıǵat sahnasyna shyǵady. Ulý degen ataýǵa baılanysty uzaq jyldan kele jatqan daý-damaılar az emes. Ol týraly pikirimizdi kelesi paıymnyń enshisine qaldyrdyq...
Búgin qoldanystaǵy kúntizbe boıynsha, naýryzdyń – 8-i. Aı júıesimen aıdyń 27-si. Qazaqsha endi 3 kúnnen keıin jańa aı bastalady. Apta aıdyń basyn da, ortasyn da, sońyn da qamtyp tur. Bul kórinis 8 – 15 naýryz aralyǵynda aýa raıy qubylyp, jaýyn-shashyn bolatynyn ańǵartsa kerek. Kúnniń jylýy da eptep azaıady. Biraq ol uzaqqa sozylmaıtyn sekildi. Cebebi, Jańa jyldyń, saǵynyshtyń, birliktiń, yntymaqtyń sımvoly atanǵan «Kórisý» merekesi osy aptanyń enshisinde.