Naýryzbaı aýdanynda 3 myń turǵyndy tabıǵı gazben qamtamasyz etetin jáne turǵyn úı alaptaryn damytý úshin jańa múmkindikter ashatyn gazdandyrý jumystary belsendi túrde jalǵasýda. Bul týraly Almatynyń Energetıka jáne sýmen jabdyqtaý basqarmasynan habarlady.
Almatynyń energetıka jáne sýmen jabdyqtaý basqarmasynyń tapsyrysy boıynsha merdiger uıym 6,7 km joǵary qysymdy gaz qubyryn salýdyń aýqymdy jobasyn iske asyrýda.
Búgingi tańda qurylys-montaj jumystary 50% - ǵa oryndaldy, alaıda iske asyrý úderisindegi túzetýlerge baılanysty Raıymbek dańǵyly (Alataý dańǵylynan Jeksembaev kóshesine deıin) ýchaskesinde ózgerister boldy. Bul qoldanystaǵy ınjenerlik komýnıkasıalar men qorǵaý aımaqtaryn esepke alýǵa baılanysty. Nátıjesinde joba ózgertilip, ony aıaqtaý 2025 jyldyń tamyzyna josparlandy.
Gaz qubyry paıdalanýǵa berilgennen keıin ortalyq gazben jabdyqtaýǵa Alma City jáne «Elim-aı 4» turǵyn úı keshenderi, sondaı-aq «Elıseıskıe polá» kotej qalashyǵy qosylady. Bul 3000-nan astam turǵyndy turaqty, ekologıalyq taza otynmen qamtamasyz etedi, sonymen qatar aýdannyń odan ári ósýi men abattandyrylýyna jaǵdaı jasaıdy.