Qazirgi tańda bes shaǵynaýdanda uzyndyǵy 195 km sý qubyry jáne kanalızasıa jelileri tartyldy.
Búgin Almaty qalasynyń ákimi Erbolat Dosaev Naýryzbaı aýdanynyń turǵyndarymen kezdesý ótkizýde. Jurtshylyqpen ótken jıynda aýdandaǵy aýyz sý, sý qubyry, kanalızasıa jelilerin tartý, sýmen qamtamasyz etý máseleleri kóterildi, dep habarlaıdy Almaty-akshamy.kz.
Qala basshysy E.Dosaevtyń aıtýynsha, Aqjar, Taýsamaly, Shuǵyla 3 shaǵyn aýdanynda qurylys júrip jatyr, josparlanǵan 30 km sý qubyry jáne kanalızasıa jelileriniń 19 kıllometri salyndy. Qalǵan 11 kıllometri 2023 jyldyń maýsym aıyna deıin aıaqtalady.
«Sondaı-aq, 3 shaǵyn aýdan boıynsha uzyndyǵy 135 km sý qubyry jáne 132 km kanalızasıa jelileriniń jobalaý-smetalyq qujattamasy daıyndalýda. Iaǵnı, "Qaraǵaıly" shaǵynaýdanynda 25 km sý qubyry jáne22 km kanalızasıa jelileri, "Aqjar" shaǵynaýdanynda 20 km sý qubyry jáne 20 km kanalızasıa jelileri, "Tastybulaq" shaǵynaýdanynda 90 km sý qubyry jáne 90 km kanalızasıa jelileri salynady», - dedi qala ákimi Erbolat Dosaev.
"Aqjar" jáne "Qaraǵaıly" shaǵynaýdandarynyń qujattary jeltoqsan aıynda memlekettik saraptamadan shyǵady, qurylysy 2023 jyldyń 2-shi toqsanda bastalady, al "Tastybulaq" boıynsha saraptamasy kelesi jyldyń naýryz aıynda shyǵady, qurylysy İİİ toqsanynda bastalady.
"Aqjar" shaǵynaýdanyn sýmen qamtamasyz etý máselesin sheshý úshin osy jazda, Aqsaı súzgi stansıasyn salý kezinde, men Almatynyń jer asty sý qorlarynan sý tartý úshin sorǵy stansıalary men magıstraldyq sý qubyryn salý týraly sheshim qabyldadym», - dedi qala basshysy.
Almatynyń batys bóligin sýmen qamtamasyz etý úshin «Vıvat» kompanıasy jeltoqsan aıyna deıin uzyndyǵy 34 km batys kanalızasıa kolektorynyń jobalaý-smetalyq qujattamasyn aıaqtaýdy josparlap otyr. Sodan keıin osy jobany qarjylandyrý máselesi pysyqtalady (shamamen quny – 58 mlrd. teńge).