Qoǵamdyq keńistikti damytý týraly Almaty qalasy Naýryzbaı aýdany ákiminiń Óńirlik komýnıkasıalar qyzmetiniń brıfıńinde Sanjar Toǵaı aıtyp berdi, dep habarlaıdy Almaty-akshamy.kz.
Spıkerdiń aıtýynsha, aýdandaǵy qoǵamdyq keńistikterdiń sany mańyzdy bolyp qala beredi. Sondyqtan osy jyldyń kókteminde «Álem park» otbasylyq parkiniń qurylysy bastaldy. 2023 jyly "Shuǵyla" jáne "Aqjar" shaǵynaýdandarynda eki dene shynyqtyrý-saýyqtyrý kesheniniń qurylysyn bastaý josparlanýda.
"Shuǵyla" shaǵynaýdanynda Sábdenov kóshesindegi 15 gektar jer ýchaskesinde kelesi jyly mektep, balabaqsha, 500 kelýshige arnalǵan emhana, 100 kelýshige arnalǵan dene shynyqtyrý-saýyqtyrý kesheni, tenıs ortalyǵy men órt sóndirý deposynyń qurylysy josparlanýda», - dedi Sanjar Toǵaı.
Aǵymdaǵy jyly "Aqjar" jáne "Qalqaman" shaǵynaýdandarynda eki parktiń qurylysy, balalardyń oıyn jáne sport alańdaryn ornatýdy, abattandyrý elementterin, syrtqy jaryqtandyrýdy, úsh jaıaý - serýendeý aımaǵyn abattandyrýdy kózdeıtin 4 jeke ýchaskeni abattandyrý júrgizilýde.
Ótken jyly Naýryzbaı aýdanynda 30 qoǵamdyq keńistik quryldy, onyń ishinde 16 balalar oıyn jáne 12 sport, 3 skeıt, 3 basketbol jáne eki fýtbol alańy salyndy, eki jaıaý serýendeý aımaǵy jaılastyryldy.