Taıaýdaǵy jyldary agroónerkásiptik sektorynda IT-mamandarǵa suranys ósetin bolady. Halyqaralyq aqparattyq tehnologıalar ýnıversıteti (HATÝ) oqýǵa túsýshilerge «Bıokompútıng» biregeı bilim berý baǵdarlamasyn usynady.
Sarapshylardyń pikirinshe, aýyl sharýashylyǵyna sıfrlyq tehnologıalardy engizý atalmysh salany damytýdyń basym baǵyty bolyp otyr. Qazirgi ýaqytta agroónerkásiptik keshenindegi (AÓK) bıznes-prosester men óndiris aıtarlyqtaı avtomattandyrýdan ótýde, al IT-quzyrettilikke ıe agronomdar, ekonomıser, tehnologtar, bıopreparattardy ázirleýshiler, sondaı-aq joba menedjerlerine degen suranys artýda. On jyldan keıin sıntetıkalyq bıologıa salasyndaǵy agrogenetık, bıotehnolog, sıfrlyq agronom, ekotehnolog, robototehnık, ushqyshsyz ushý apparattarynyń operatorlary jáne t.b. mamandyqtar aýyl sharýashylyǵynda tanymal bolmaq.
Halyqaralyq aqparattyq tehnologıalar ýnıversıteti (HATÝ) «Sıfrlyq Qazaqstan» memlekettik baǵdarlamasyn iske asyrý sheńberinde agroónerkásiptik keshendi aýqymdy sıfrlandyrýdyń jolserigi bolatyn joǵary bilikti mamandardy daıarlaýdy júzege asyrady.
HATÝ elimizdiń jetekshi IT-ýnıversıteti retinde bıylǵy jyly oqýǵa túsetin talapkerler men biliktiligin arttyrǵysy kelýshilerge «Bıokompútıng» biregeı bilim berý baǵdarlamasyn meńgerýdi usynýda. Jańa bilim berý baǵdarlamasy áleýetti jumys berýshiler – agrokásiporyndardyń talaptaryn eskere otyryp, Adam jáne janýarlar fızıologıasy ınstıtýtymen yntymaqtastyqta ázirlengen.
Atap óterlik jaıt, úzdik otandyq jáne sheteldik spıkerler men sarapshylardyń qatysýymen oqytylatyn bilim berý baǵdarlamalary men mamandandyrylǵan kýrstar stýdentter arasynda, sondaı-aq jańa quzyretter alǵysy keletin kásipqoılar arasynda da úlken tanymaldyqqa ıe. Ýnıversıtette stýdentterge kásipkerlik daǵdylardy damytýǵa kómektesetin jáne startap-ıdeıaǵa ınvestısıalar tartýǵa múmkindik beretin Innovation Center quryldy. Daryndy jastardy qoldaý maqsatynda HATÝ jyl saıyn teńdesi joq Hackday ınovasıalyq ıdeıalar festıvalin ótkizedi, ol ótken jyldan bastap orasan zor ITFEST-ke aınalyp, jańa serpin aldy. Oǵan elimizdiń jetekshi kompanıalarynyń, onyń ishinde AÓK-niń mindetteri men keısterin sheshý úshin óz IT-ıdeıalary men jobalaryn usynatyn 3 myńnan astam adam qatysady.
Bilim berý baǵdarlamalary men oqýǵa túsý sharttary týraly tolyq aqparatty HATÝ-da, Manas kóshesi, 34/1 meken-jaıy boıynsha, sonymen birge www.iitu.edu.kz saıtynan alýǵa bolady.