Halyqtyń qaýipsizdigin qamtamasyz etý jáne aýdan aýmaǵyn beınebaqylaý kameralarymen qamtý maqsatynda 300 kamerany ornatý jumystary bastaldy.
Bul týraly Almaty ákimi Erbolat Dosaevtyń Naýryzbaı aýdany turǵyndarymen ótken kezdesýinde belgili boldy.
Bul jumystar osy jyldyń sońyna deıin aıaqtalady, dep habarlaıdy Almaty-akshamy.kz.
«2023 jyldyń I toqsanynda 369 kameraǵa eseptelgen qazirgi 36 «Sergek» aparattyq-baǵdarlamalyq keshenine (21 - jelilik ýchaskelerde, 15 - kóshe qıylystarynda) qosymsha 205 kameraǵa eseptelgen 20 «Sergek» aparattyq-baǵdarlamalyq kesheni (19 – jelilik ýchaskelerde, 1 – jol qıylysynda) ornatylady», - dedi qala ákimi Erbolat Dosaev.
«Halyq qatysatyn búdjet» baǵdarlamasy aıasynda 1,8 mlrd. teńgege barlyǵy 47 joba oryndaldy. "Aqjar" shaǵynaýdanyndaǵy jáne "Qalqaman" shaǵynaýdanyndaǵy skverler, Qonaev kóshesindegi uzyndyǵy 1,2 km serýendeý aımaǵy, "Meıram" shaǵynaýdanyndaǵy jaıaý júrginshiler aımaǵy, t.b. abattandyryldy.
Barlyǵy 21 qoǵamdyq keńistik ýchaskesi jáne jol ınfraqurylymy boıynsha 26 joba abattandyryldy.
Kelesi jyly daýys berý qorytyndysy boıynsha berilgen 129 usynystyń ishinen 1,8 mlrd. teńgeden astam somaǵa 45 joba aldyn ala iriktep alyndy.