Uzyndyǵy 1 100 metr Oıjaılaý ózeniniń arnasy nyǵaıtyldy.
Almaty ákimi Erbolat Dosaev Naýryzbaı aýdanynda jaıly qalalyq ortany qalyptastyrý úshin jasalyp jatqan jumystar týraly aıtty, dep habarlaıdy Almaty-akshamy.kz.
Ákimniń aıtýynsha, turaqty sý basatyn jerlerdi joıý úshin aýdanda 6 ýchaske anyqtaldy. Tórt ýchaske boıynsha jumystar aıaqtaldy: Oıjaılaý ózeniniń uzyndyǵy 1 100 metr arnasy nyǵaıtyldy, Tólebekov, Taljanov, Jadyra kóshelerine uzyndyǵy 800 metr aryq jelisi salyndy.
«Bıylǵy qarasha aıynyń sońyna deıin Raıymbek dańǵylyndaǵy «Nurly Dala» turǵyn úı kesheninen Aqsaı ózeniniń arnasyna deıin uzyndyǵy 1 400 metr jáne Sábdenov kóshesindegi aryq jelisin abattandyrý aıaqtalady. Sondaı-aq, josparlanǵan 11 km bolatyn 7 kósheden Karernaıa, Dáýletkereı jáne Eginsý atty úsh kósheniń aryq jelileri salyndy. Qalǵan Rymjanov, Aspandıarov, Aıbolıt, Seıtbekov atty tórt kósheniń jumystary osy jyldyń qarasha aıynyń sońyna deıin aıaqtalady», - dedi Erbolat Dosaev.
Sonymen qatar qala basshysy bul aýdanda qansha aǵash kesiletinin aıtty.
«4 800 aǵashty sanıtarlyq kesý jáne 40 avarıalyq jaǵdaıdaǵy aǵashty sanıtarlyq otaý jumystary júrgizildi», - dedi qala ákimi.