Almatynyń Naýryzbaı aýdanynda alǵashqy dene shynyqtyrý-saýyqtyrý kesheniniń qurylysy 2024 jyldyń qyrkúıeginde bastalady.
Almatynyń Naýryzbaı aýdanyndaǵy emhanalardyń jetispeýshiligi máselesin sheshý jáne medısınalyq qyzmet kórsetý sapasyn arttyrý úshin 2024 jyldyń qyrkúıeginde «Quramys» jáne «Shuǵyla» shaǵyn aýdanynda 500 adam qabyldaıtyn eki jańa emhana jáne «Aqjar» shaǵyn aýdanynda 200 adam qabyldaıtyn 1 dárigerlik ambýlatorıa salý josparlanǵan. Bul týraly ákim Erbolat Dosaev turǵyndarmen kezdesýde málimdedi.
«Naýryzbaı aýdanynyń aýmaǵynda alǵash ret qyrkúıek aıynda «Shuǵyla» shaǵyn aýdanynda dene shynyqtyrý-saýyqtyrý kesheniniń qurylysyn bastaý josparlanyp otyr», - dedi qala basshysy.
Esterińizge sala keteıik, Almatyda dene shynyqtyrý-saýyqtyrý keshenderi balalar men jastardy qoljetimdi sport seksıalarymen qamtamasyz etý, sonymen qatar, halyqty salaýatty ómir saltyna tartý úshin salynyp jatyr.
- 2022 jyly Almatydaǵy «Aınabulaq», «Kemel» jáne «Qulager» shaǵyn aýdandarynda 3 jańa keshen ashyldy, búginde olar shtattyq rejımde jumys isteıdi. 2023 jyly «Alataý» jáne «Zerdeli» shaǵyn aýdanynda 2 dene shynyqtyrý-saýyqtyrý kesheniniń qurylysy aıaqtaldy.
- 2024 jyly megapolıstiń Túrksib, Medeý, Alataý aýdandarynda 3 dene shynyqtyrý-saýyqtyrý keshenin ashý josparlanǵan. Jańa nysandar kún saıyn barlyǵy 2000-nan astam adamdy qabyldaı alady.
Budan basqa, 4 dene shynyqtyrý-saýyqtyrý kesheniniń, múmkindigi shekteýli jandarǵa arnalǵan sport ortalyǵynyń, jeńil atletıka manejiniń, «Medeý» BTSK jańǵyrtý jáne Ortalyq stadıonnyń jobalaý-smetalyq qujattamasyn ázirleý júrgizilip jatyr.