Almatyda egjeı-tegjeıli josparlaý jobalaryna (ETJ) ózgerister engizýge jyl sońyna deıin moratorıı engiziledi, dep habarlaıdy almaty-akshamy.kz
Bul týraly Almaty ákimi Erbolat Dosaev Naýryzbaı aýdanynyń turǵyndarymen kezdesý barysynda málimdedi.
Turǵynnyń suraǵy:
Bizdiń aýdannyń qurylǵanyna 10 jyl boldy, osy ýaqyt ishinde aýdan damyp, qurylystar kóbeıdi. Jaqynda ákimdik núkteli qurylysty shekteıtin egjeı-tegjeıli josparlaýdyń jańa jobalaryn qabyldady. Biraq zań boıynsha olarǵa jylyna eki ret ózgerister engizýge bolady. ETJ-ǵa engizilgen barlyq oń bastama osyǵan baılanysty ózgerip ketpeı me?
Almaty ákimi Erbolat Dosaevtyń jaýaby:
Byltyr mamyr aıynda Úkimet 2040 jylǵa deıin Qalanyń bas josparyn bekitti, sodan keıin ony júzege asyrý úshin sarapshylar jáne qala turǵyndarymen talqylaýdan keıin biz ár aýdannyń jańa jol erejelerin qabyldadyq.
Almatynyń bolashaq damýy orta qabatty qurylysqa negizdelgen. ETJ-daǵy barlyq aılanyń jolyn kestik, qosymsha jyl sońyna deıin túzetý engizýge moratorıı jarıaladym. Eger ózgeris qajet bolsa, kelesi jyly qarastyramyz. Meniń oıymsha, ázirleýshiler de, turǵyndar da meni túsinedi, óıtkeni biz jospardyń turaqtylyǵyn qamtamasyz etýimiz kerek.
ETJ-ny ázirleý kezinde qala turǵyndarynyń pikiri barynsha eskerildi, qyzyl syzyqtar boıynsha burynǵy qatelikter men basqalaryn retke keltirdik. Biraq qalada damýdyń belgili bir basymdyǵy bar ekenin jáne olar árqashan jeke azamattardyń pikirimen sáıkes kelmeıtinin túsiný kerek. Mysaly, Naýryzbaı aýdanynda biz qoǵamdyq keńistikti barynsha jaqsartýǵa tyrysamyz, bolashaqta barlyq úıler jer asty turaǵymen jáne qajetti áleýmettik ınfraqurylymdarmen salynady.