Almaty ákimdigi qoǵamdyq kóliktiń qyzmet kórsetý sapasyn arttyrýǵa erekshe kóńil bóledi.
Naýryzbaı aýdanynyń turǵyndaryna yńǵaıly bolý úshin 3 marshrýttyń jyljymaly quramy jańartylyp, kúsheıtildi, dep málimdedi ákim Erbolat Dosaev Naýryzbaı aýdanynyń turǵyndarymen kezdesýinde, dep habarlaıdy Almaty-akshamy.kz.
№15, 47, 119 marshrýttarda avtobýstar sany 52-den 57-ge deıin ósti.
«Buǵan qosa, jeltoqsan aıyna deıin Naýryzbaı aýdanyna qyzmet kórsetetin 3 marshrýt: №50 (10-nan 20-ǵa deıin), 118 (23-ten 25-ke deıin), 212 (14-ten 22-ge deıin) jıi júrip, jańartylady», - dedi ákim.