Almatyda jyl sońyna deıin Shuǵyla shaǵyn aýdanynda 320 oryndyq memlekettik balabaqsha paıdalanýǵa beriledi.
Bul týraly Naýryzbaı aýdanynyń ákimi Erbolat Dosaev málimdedi, dep habarlaıdy Almaty-akshamy.kz.
Ol jyl basynan beri mektepke deıingi oryndardyń tapshylyǵyn tómendetý maqsatynda aýdanda 475 oryndyq 9 jekemenshik balabaqsha ashylǵanyn atap ótti. Al jyl sońyna deıin 50 oryndyq taǵy 1 balabaqsha ashý kózdelip otyr.
«Sonymen qatar, qazan aıynda Quramys jáne Shuǵyla shaǵyn aýdandarynda 640 oryndyq taǵy 2 balabaqsha salýdy bastaý josparlanǵan, oǵan qarajat bólindi. Ári Qalqaman jáne Shuǵyla shaǵyn aýdandarynda taǵy 560 oryndyq 2 balabaqshany jobalaý bastaldy. 2024 jyldyń sáýir aıynda saraptama qorytyndysyn alǵannan keıin qurylysty 2024 jyldyń III-shi toqsanynda bastaý josparǵa engen», - dedi qala basshysy.