Almatynyń Naýryzbaı aýdanyndaǵy Qarǵaly ózeniniń 7,7 shaqyrym jaǵalaýyn abattandyrý josparlanǵan
"Halyq qatysatyn búdjet": Almaty qalasynyń Naýryzbaı aýdanynda qandaı jobalar júzege asyrylyp jatqany belgili boldy
Almaty qalasynyń Naýryzbaı aýdanynda aǵymdaǵy jyldyń sáýir aıynda qoǵamdyq keńistikterdi jaılastyrý, balalar sport alańdaryn salý, kógaldandyrý jáne syrtqy jaryqtandyrý jelilerin ornatý arqyly uzyndyǵy Qarǵaly ózeniniń 7,7 aqyrym jaǵalaýyn abattandyrý bastalady. Bul týraly qala ákimi Erbolat Dosaev aýdan turǵyndarymen kezdesýde aıtyp, jumystardyń aıaqtalýy 2024 jyldyń jeltoqsan aıyna josparlanǵanyn atap ótti.
Budan basqa, "Halyqqa qatysatyn búdjet" (HQB) baǵdarlamasyn iske asyrý aıasynda jaıaý-serýendeý, saıabaq aımaqtaryn jaılastyrý, jaryqtandyrý jelilerin, jol ınfraqurylymyn salý jáne t.b. boıynsha 40 jańa joba iske asyrylatyn bolady. Olardyń ishinde "Rahat" shaǵyn aýdanyndaǵy 1,3 ga skver, "Shuǵyla" TK aýmaǵyndaǵy jaıaý-serýendeý aımaǵy, "Qarǵaly", "Taý samaly" shaǵyn aýdandaryndaǵy 4 balalar oıyn alańdary bar. 2024 jylǵa bul maqsattarǵa 2,5 mlrd teńge bólindi, dep naqtylady qala basshysy.
Eske salsaq, 2023 jyly HQB baǵdarlamasy boıynsha Naýryzbaı aýdanynda 2,7 mlrd teńgege abattandyrý jóninde 62 joba iske asyryldy. Sonymen "Shuǵyla" shaǵyn aýdanyndaǵy "Alma Sıtı" TK janynda, Raıymbek dańǵyly boıynda jaıaý-serýendeý aımaǵy salyndy. "Qalqaman" shaǵyn aýdanyndaǵy 0,7 gektardan asatyn qaraýsyz qalǵan aýmaqty abattandyryldy, Aqjar Aqjar sh/a skver ise qosyldy. Abaı dańǵylynyń boıynda ( Áshimov kóshesiniń buryshy) fýtbol jáne basketbol alańdary, al "Aqjar", "Qalqaman" shaǵyn aýdandarynda 4 balalar oıyn alańdary jasaldy.