Almaty qalasy, Almaty jáne Jetisý oblystary boıynsha QAJD-ǵa qarasty №11 mekemesindegi sottalǵan balalar arasynda jyr alyby Jambyl Jabaevtyń týǵanyna 178 jyldyǵyna arnalǵan “XX ǵasyrdyń Gomeri” atty ádebı-kesh ótkizildi, dep habarlaıdy Almaty-akshamy.kz.
Jazaly balalar arasyndaǵy keshtiń mazmundy ótýine Almaty qalasyndaǵy Jambyl atyndaǵy jasóspirimder kitaphanasynyń qyzmetkerleri atsalysty. Jazasyn óteýshi balalar Jambyldyń “Halyq meniń shyn atym”, “Qaıta kelgen jastyq shaq”, “Alǵadaı týraly”, “Lenıngradtyq órenim”, “Balalarǵa” sıaqty óleńderin eki tilde jatqa oqydy.
Kesh sońynda balalar atalǵan kitaphana qyzmetkerleri Gaýhar Arynova men Aıda Nurjan uıymdastyrǵan “Jyr alyby – Jambyl!” atty kitap kórmesin tamashalady. Mekemedegi tárbıe bóliminiń bastyǵy A.Bázilbaeva balalar kolonıasynda ótetin barlyq is-sharalarǵa belsene aralasyp, óz tarapynan kómek kórsetip otyratyn kitaphana ujymyna zor alǵys bildirdi.