22-24 naýryz aralyǵynda atmosferalyq fronttarǵa baılanysty Qazaqstan aýmaǵynyń basym bóliginde qubylmaly aýa raıy saqtalady, dep habarlaıdy Almaty-akshamy.kz.
«Qazgıdromettiń» boljamynsha, eldiń soltústik jáne shyǵys óńirlerinde boran soǵyp, qar jaýady. Respýblıkanyń ońtústiginde jaýyn-shashyn, keıde qatty jaýyn-shashyn (jańbyr, qar) jaýady. Al 23-24 naýryzda respýblıkanyń batys óńirleri Soltústik-Batys antısıklonynyń yqpalynda bolady. Sonyń saldarynan munda jaýyn-shashyn jaýmaıdy. Respýblıka boıynsha tuman túsedi jáne jel kúsheıedi. Elimizdiń shyǵysynda, soltústiginde jáne ortalyǵynda túngi temperatýra 5-13-ten 10-18 gradýsqa deıin aýytqıdy. Kúndiz termometr 0-8 gradýs aıazdan aspaıdy, respýblıkanyń ońtústik jartysynda aýa temperatýrasy túnde 0-8 gradýs, kúndiz 2-10 gradýs jyly bolady.