Bıyl Ulystyń uly kúni jańasha toılanady.
14 men 23-shi aralyǵynda Naýryznama on kúndigi belgilendi, dep habarlaıdy Almaty-akshamy.kz 24.kz-ke silteme jasap.
Al osy merekeniń logotıpi retinde «qyzǵaldaq» gúli tańdaldy. Erteńnen bastap kún saıyn elimizdiń barlyq óńirinde taqyryptyq is-sharalar uıymdastyrylady. 14-shi naýryz kórisý kúni, 15-si qaıyrymdylyq kúni, 16-sy mádenıet jáne ulttyq salt-dástúr kúni, 17-si shańyraq kúni, 18-shi naýryz ulttyq kıim kúni. Al 19-shi naýryz jańarý kúninde kóktemgi aǵash egý naýqanyn jalǵastyrý usynyldy. 20-sy ulttyq sport kúni dep belgilendi. Bul kúni báıge, kókpar, jamby atý, aýdaryspaq, teńge ilý jarystary uıymdastyrylady. Respýblıka boıynsha usyn sany 10 myńnan astam mádenı is-shara ótedi. Al basty merekelik konsertter 21-22-shi Naýryz kúnderi Astana qalasynyń EKSPO aýmaǵynda bolady.
«14 men 23 naýryz aralyǵynda Naýryz bazarlyq jarıalanady. Bul kúnderi saýda oryndarynda jappaı satylymdar, jeńildikter qarastyrylýy josparlanyp otyr. Al naýryznamanyń qorytyndy kúni Jańa jyldy tutas el bolyp jańa maqsat, jańia úmitpen qarsy alýdyń sımvoly retinde 23-shi naýryzdy tazarý kúni etip jarıalanady. Bul kúni jalpyulttyq ekologıalyq aksıa ótedi», - deıdi QR MAM mádenıet komıteti tóraǵasynyń orynbasary Sábıt Barlybaev.