Naýryz meıramyna arnalǵan merekelik konsertterdi 300 myńǵa jýyq adam kórdi, dep habarlaıdy Almaty-akshamy.kz
Almaty turǵyndary men qonaqtaryna Dımash Qudaıbergen, «Alashuly», Ulytau toby, «Dos-Muqasan» ansambli, Erke Esmahan, Móldir Áýelbekova, Qaırat Nurtas, Qarakat Ábildına, Dılnaz Ahmadıeva, Erlan Rysqalı, Tamara Asar, Aıgúl Elshibaeva, «Jigitter» toby, AYAFUNK, ALPHA, Akha, Yenlik jáne basqa da kóptegen tanymal oryndaýshy óner kórsetti.
Sonymen qatar, «Alataý» dástúrli óner teatrynyń, Memlekettik qýyrshaq teatrynyń, Qazaq memlekettik sırkiniń, sondaı-aq «Almaty áýenderi» jáne «Sazgen sazy»fólklorlyq-etnografıalyq orkestriniń, «Saltanat”, «Shattyq», «Jetisý», «Baqyt» bı ansámblderiniń artıseri jáne t.b. ónerin pash etti. Jalpy, ashyq aspan astyndaǵy sahnada myńnan astam artıs óner kórsetti.
Jańbyrly aýa-raıyna qaramastan, kórermenderdiń kóńil-kúıi kóterińki boldy. Megapolıs turǵyndary men qonaqtary tanymal ujymdar men oryndaýshylardyń ónerin ystyq yqylaspen qarsy aldy. Open air formatynda ótken Naýryz meıramyndaǵy konsertterdi 300 myńǵa jýyq adam kórdi.
Aıtpaqshy, Naýryznama kezeńinde almatylyqtar men megapolıs qonaqtaryna 500-den astam túrli is-sharalar uıymdastyryldy: qolónershiler men qoldanbaly óner kórmeleri, kitap jármeńkesi, qoıylymdar men konsertter, qaıyrymdylyq is-sharalar, jastar festıválderi, zamanaýı dızaındaǵy ulttyq kıim, zıatkerlik oıyndar men sporttyq jarystar ulttyq sport túrleri. Sondaı-aq, qalanyń ár aýdanynda taqyryptyq is-sharalar men konsertter ótkizildi.
Aıta keteıik, Astana alańynda basty merekelik is-shara ótkizilip, Memleket basshysy Qasym-Jomart Toqaev halyqty Naýryz maıramymen quttyqtady.