Jańbyr men qar jaýady.
Sınoptıkter naýryz aıynyń sońǵy kúnderine arnalǵan aýa raıy boljamyn usyndy, dep habarlaıdy aqshamnews.kz
"Qazgıdromet" RMK málimetinshe, 29-31 naýryz aralyǵynda elimizdiń batysy men ońtústiginde jaýyn-shashyn kútilse, qalǵan aýmaqta kún ashyq bolady.
"Aldaǵy táýlikterde elimizdiń soltústik, shyǵys jáne ortalyq aımaqtarynda úlken antısıklon óz áserin saqtaıdy – bul jerde ashyq kún raıy kútiledi. Respýblıkanyń batysynda jáne ońtústiginde frontaldy ýchaskelerde turaqsyz aýa raıy saqtalady – jańbyr jaýady, ońtústik jáne ońtústik-shyǵystyń taýly aımaqtarynda jaýyn-shashyn (jańbyr jáne qar), sondaı-aq eldiń ońtústiginde jel kúsheıedi", – dep sınoptıkter habarlady.
Boljam boıynsha, qazaqstandyqtardy keı óńirlerden kópten kútken jylyný kútedi.
Respýblıkanyń batysynda aýa temperatýrasy túnde -3+5°S-tan +5+15°C-qa deıin, kúndiz +10+18°C-tan +12+25°C-qa deıin kóteriledi;
soltústik-batysta aýa temperatýrasy túnde -5+5°S-tan +1+8°C-qa deıin, kúndiz +10+16°C-tan +10+20°C-qa deıin kóteriledi;
soltústikte túnde -6+3°C, kúndiz +7+15°C;
respýblıkanyń ortalyǵynda túnde -1-9°S-tan -5+2°C-qa deıin, kúndiz +4+12°C-tan +7+15°C-qa deıin shamaly kóteriledi;
shyǵysta túnde -2-15°C, kúndiz +5+15°C-tan +10+18°C-qa deıin kóteriledi;
ońtústikte túnde 0+5°C, kúndiz +12+18°C-tan +17+22°C-qa deıin kóteriledi;
ońtústik-shyǵysta túnde -10+3°C, kúndiz +7+15°C-tan +12+22°C-qa deıin kóteriledi.