Qazaqstanda balalar eńbegin zańsyz paıdalanýdan qorǵaıtyn arnaıy erejeler bar.
14 jastan 16 jasqa deıingi jasóspirimderge aptasyna 24 saǵattan artyq jumys isteýge ruqsat etilmeıdi, dep habarlaıdy aqshamnews.kz Oqý-aǵartý mınıstrliginiń baspasóz qyzmetine silteme jasap.
"Eger jasóspirim 16 – 18 jasta bolsa, 36 saǵatqa deıin jumys isteýge ruqsat etilgen. Biraq jumys densaýlyqqa zıansyz, qaýipsiz ortada ótýi jáne jasóspirimge shamadan tys aýyrtpalyq túsirmeýi tıis",- delingen aqparatta.
Sondaı-aq jumys isteý úshin ata-anańnyń ruqsaty men kelisiminiń bolýy mindetti.
Taǵy bir eskeretin jaıt:
"Eńbek zańnamasyna sáıkes, túngi ýaqytta – saǵat 22:00-den 6:00-ge deıin jumys isteýge, qosymsha júktememen eńbek etýge, sondaı-aq qaýipti ári zıandy jaǵdaılarda jumys jasaýǵa qatań tyıym salynady".