Naýryz aıyndaǵy UBT-ǵa ótinishterdi qabyldaý 15 aqpanda bastaldy.
Ótinishterdi qabyldaý 25 aqpanǵa deıin jalǵasady. Tirkelý Ulttyq testileý ortalyǵynyń app.testcenter.kz. saıtynda nemese UTO qosymshasy arqyly júrgiziledi, dep habarlaıdy aqshamnews.kz.
Testileýdiń ózi 1 naýryz ben 5 sáýir aralyǵynda ótedi.
Bul testileýge kelesi tulǵalar qatysa alady: orta bilim berý uıymdarynyń bitirýshi 11 (12) synyp oqýshylary; shartty túrde aqyly negizde kúndizgi oqý nysany boıynsha joǵary oqý oryndaryna qabyldanǵandar; ótken jylǵy mektep jáne kolej túlekteri (tolyq oqytý nysanyna); QR azamaty bolyp tabylmaıtyn ulty qazaq tulǵalar; shetelde bilim alǵan bitirýshi 11 (12) synyp oqýshylary (Qazaqstan Respýblıkasynyń azamattary).
Testileýge qatysý quny – 5640 teńge.
Testilenýshiler UBT-ǵa tirkelý kezinde testileý ótetin PÝNKTTİ, KÚNDİ jáne ÝAQYTTY óz erki boıynsha tańdaıdy.