Almaty haıýanattar baǵyn basqa qalaǵa kóshirý josparda joq.
Ol jumysyn burynǵy jerde jalǵastyryp keledi, dep habarlaıdy ashamnews.kz.
Almaty qalasynyń Mádenıet basqarmasy Almaty haıýanattar baǵynyń jumysyna qatysty bylaı dep habarlaıdy:
"Almaty qalasynyń aýmaǵyn damytý jospary aıasynda haıýanattar baǵyn halyqaralyq standarttarǵa sáıkes zoogeografıalyq qaǵıda boıynsha jańǵyrtý men rekonstrýksıalaý kózdelgen.
Bıyl jobalaý-smetalyq qujattamany ázirleý boıynsha baıqaý jarıalaý josparlanǵan. Rekonstrýksıalaý jumystary kezeń-kezeńimen 2028 jylǵa deıin júzege asyrylady".
Josparlanǵan rekonstrýksıalaý aıasynda júrgiziletin jumystar janýarlardy ustaý jaǵdaıyn aıtarlyqtaı jaqsartyp, haıýanattar baǵyna kelýshiler úshin jaılylyq deńgeıin arttyrýǵa múmkindik beredi.