Keı óńirlerde 20 gradýsqa deıin jyly bolady dep kútilip otyr.
Qazaqstandyq sınoptıkter kóktemniń alǵashqy aıyna boljam jasady, dep habarlaıdy Almaty-akshamy.kz.
«Qazgıdromet» mamandarynyń aıtýynsha, Qazaqstannyń kóptegen aımaǵyna kúntizbelik kóktem belgilengen merzimde keledi,
Aldyn ala boljam boıynsha, naýryz aıy jyly jáne jaýyn-shashyndy bolady. Aýa temperatýrasy respýblıkanyń basym bóliginde klımattyq normadan 1-2 paıyzǵa joǵary, Atyraý oblysynyń batysynda jáne soltústik-batysynda normaǵa jaqyn bolady dep boljanyp otyr.
Naýryzdyń keı kúnderinde elimizdiń soltústigi men shyǵysynda kúndiz aýa temperatýrasy 10 gradýstan 20 gradýsqa deıin kóteriledi dep kútilip otyr.
Naýryzdaǵy jaýyn-shashyn mólsheri respýblıkanyń basym bóliginde normaǵa jaqyn bolady. Soltústik Qazaqstannyń basym bóliginde, BQO, Qostanaı, Aqmola oblystarynda jáne Aqtóbeniń soltústiginde jaýyn-shashyn normadan artyq jaýady. Soltústikte jáne shyǵysta aralas, eldiń ońtústigi men batysynda ortasha deńgeıde jaýady.