Keńes qorytyndysy boıynsha vedomstvoaralyq jumys tobyn qurý tapsyryldy.
QR Premer-Mınıstriniń orynbasary Eraly Toǵjanov Memleket basshysynyń eldegi esirtki qylmysy men nashaqorlyqqa qarsy is-qımylǵa qatysty tapsyrmasyn oryndaý boıynsha arnaıy keńes ótkizdi, dep habarlaıdy Almaty-akshamy.kz
«Búgingi tańda esirtki qylmysy men nashaqorlyq máselesi óte ózekti. Ókinishke oraı, jańa sıntetıkalyq esirtkiniń negizgi tutynýshylary jastar bolyp tabylady. Tek osy jyldyń ózinde elimizde 8,5% ósimmen 5 myń esirtki qylmysy anyqtaldy. Bizge bul baǵytta kúresý úshin júıeli sharalar qajet», – dep atap ótti Eraly Toǵjanov.
Quqyq qorǵaý jáne salalyq memlekettik organdarǵa birqatar tapsymalar berildi: ️
telekomýnıkasıa jelisinde, onyń ishinde ınternet-bottardy jáne basqa da avtomatty baǵdarlamalardy paıdalana otyryp jasalatyn esirtki qylmysynyń jolyn kesý;
tıimdi memlekettik jáne áleýmettik baqylaýdy belgileı otyryp, nashaqorlyqtyń bastapqy profılaktıkasynyń teńgerimdi júıesin qurý;
esirtkige táýeldi adamdardy emdeý ádisterin jetildirý, aýmaqtyq sot saraptamasy organdarynyń memlekettik esirtki dıspanserlerin materıaldyq-tehnıkalyq jaraqtandyrýdy jaqsartý;
quramynda esirtki bar ósimdikterdiń ósý oshaqtaryn anyqtaý úshin qashyqtyqtan zondtaý júıelerin paıdalanýdy keńeıtý;
esirtki zattaryn shetelden ákelýge jol bermeý jóninde sharalar qabyldaý.
Keńes qorytyndysy boıynsha, Premer-Mınıstrdiń orynbasary eldegi esirtki qylmysy men nashaqorlyqqa qarsy júıeli sharalar ázirleý úshin vedomstvoaralyq jumys tobyn qurýdy tapsyrdy.